影片
更多
2019-08-21
2532 瀏覽
Arisse住係西營盤，第一篇當然係要介紹咁多年嘅至愛啦！😋 鼎鼎大名嘅「潮州人粉麵店」👍🏻👍🏻👍🏻👍🏻👍🏻👍🏻👍🏻 該店都有d歷史架啦，配方食譜都係上一輩傳承，每日一到飯鐘一定會大排長龍🚶🏻♀️🚶🏻♂️🚶🏻♀️，點解咁出名？一齊睇下👀👀「潮州人」嘅四大招牌。招牌一，湯底。🍜🍜食粉麵最重要係個湯底，因為所有嘢都係係有湯底嘅基礎上再加。而「潮州人」嘅湯底每日用大量豬骨煲，當中加入胡椒粒，一啖飲落去鮮味一流。建議係落辣椒油之前首先要試一試個湯底。招牌二，辣椒油。🌶「潮州人」嘅辣椒油係上一輩嘅配方，仲要自家炒製👩🏻🍳，難得一見。如果係落係碗麵到，落小小就得，因為尼隻辣椒油用料足且非常辣🥵，放半羹落碗已經可以見到成碗麵變得紅噹噹。💛我嘅食法係首先將辣椒油與沈底嘅渣撈返埋一齊，再不小小渣落醬油碟或者匙羹，落半匙羹魚露取代辣椒油浸住佢，需要時點一點，咁樣辣之餘帶d鹹香味，與豬雜等絕配🤤🤤。（順帶一提，檯面上有免費嘅冬菜，落d入碗麵到都幾好食）招牌三，食材。「潮州人」嘅食材出名新鮮，下午四五點去已經有好多嘢賣曬。🐖🐖豬雜洗得好乾淨，可以放心嗌粉腸，連出名難洗嘅豬肺都有得吃。而且仲有蝴蝶腩賣，姐係包
招牌一，湯底。🍜🍜
食粉麵最重要係個湯底，因為所有嘢都係係有湯底嘅基礎上再加。而「潮州人」嘅湯底每日用大量豬骨煲，當中加入胡椒粒，一啖飲落去鮮味一流。建議係落辣椒油之前首先要試一試個湯底。
招牌二，辣椒油。🌶
「潮州人」嘅辣椒油係上一輩嘅配方，仲要自家炒製👩🏻🍳，難得一見。如果係落係碗麵到，落小小就得，因為尼隻辣椒油用料足且非常辣🥵，放半羹落碗已經可以見到成碗麵變得紅噹噹。💛我嘅食法係首先將辣椒油與沈底嘅渣撈返埋一齊，再不小小渣落醬油碟或者匙羹，落半匙羹魚露取代辣椒油浸住佢，需要時點一點，咁樣辣之餘帶d鹹香味，與豬雜等絕配🤤🤤。（順帶一提，檯面上有免費嘅冬菜，落d入碗麵到都幾好食）
招牌三，食材。
「潮州人」嘅食材出名新鮮，下午四五點去已經有好多嘢賣曬。🐖🐖豬雜洗得好乾淨，可以放心嗌粉腸，連出名難洗嘅豬肺都有得吃。而且仲有蝴蝶腩賣，姐係包住豬肺嘅一層薄膜連住小小一咬就霖嘅豬肉，唔係到到都有，亦都唔係到到都咁好吃㗎。除左豬雜，牛肉都係鮮牛肉🐂，冇醃過亦都唔係肥牛，牛柏葉都係新鮮黑色牛柏葉（出邊街賣白色係漂過嘅）河粉都係該店嘅大熱，河粉較出邊街d河粉薄，一咬即斷容易入口，又索湯味，所以經常賣曬。
招牌四，人情味。🥰🥰
一間鋪頭好唔好食，除左真正食落口嘅食物，更重要係食人心，用心煮嘅食物會有靈魂。所以睇鋪頭嘅氣氛都好重要，因為氣氛好員工姊姊先會想間鋪頭生意好，自然用心對待顧客和食物啦，對嘢食都會有把關。而「潮州人」d靚女姊姊💃🏻💃🏻全部都係到做左好耐架啦，個個都青春常駐好有活力㗎😂。有時聽住佢哋之間嬉笑怒罵，真係覺得佢哋係一家人👨👩👧👧，煮出來碗麵都香d。 🤩🤩🤩🤩🤩🤩🤩🤩🤩🤩🤩🤩🤩🤩🤩🤩🤩我的最愛搭配：鮮牛肉蝴蝶腩粉腸河+凍飲 $47
*有時大食d，會加份一份細魚皮，魚皮有大細份之分（$14/$9），一個人食都唔怕食唔曬啦。
推介嚐鮮時段：上午11點前/下午1點半-4點前。中午時間就一定有人龍架啦，排要大概30分鐘，排隊期間記得睇定食咩，姊姊會幫你寫定先俾你入。非繁忙時段當然就可以入去坐左先慢慢睇啦。
歡迎Follow IG：foodholic_arisse
329 瀏覽
1 讚好
0 留言
張貼
