影片
更多
2023-04-08
52 瀏覽
又去咗西環覓食！Bookmark咗呢間澳洲工業風型格扒房The Bottle & Steak一段時間，難得過海就順便試下！一於店名，小店主打手工啤酒及扒類，氣氛casual，唔會好似fine－dining据扒氣氛咁拘謹，全日仲免加一，非常抵食！後面一整排雪櫃都擺放咗唔同牌子嘅手工啤，自助形式挑選飲品，鍾意飲啤酒嘅話，總有一款啱心水！黑松露蝦多士（$68）蝦多士炸得香脆，裡面蝦膠足料，富松露香。黑松露芝士溫泉蛋大啡菇（$48）好食！大啡菇非常juicy，完全係爆汁！面頭放上嘅溫泉蛋一切即破，成個口感好濕潤，加埋芝士好惹味！美國安格斯牛板腱扒USDA TOP Blade Steak （$138）牛板腱百幾蚊就有交易，塊扒仲幾大塊添。牛板腱肉味濃郁，但略嫌overcooked咗少少，肉質較韌。呢個部位無肉眼及西冷部位咁嫩滑，但牛板腱肌咀嚼嘅時候，肉味會越嚼越突出，鍾意肉味重D嘅話，呢個部位係抵食之選！配菜嘅澳洲薯條外脆內軟，深得我心。要注意嘅係牛板腱扒冇得自選生熟度，只係得medium選擇！澳洲慢煮鴕鳥扒AUS EMU Steak （$188）一向都知鴕鳥扒低脂、低卡路里、低膽固醇，營養價值
一於店名，小店主打手工啤酒及扒類，氣氛casual，唔會好似fine－dining据扒氣氛咁拘謹，全日仲免加一，非常抵食！後面一整排雪櫃都擺放咗唔同牌子嘅手工啤，自助形式挑選飲品，鍾意飲啤酒嘅話，總有一款啱心水！
黑松露蝦多士（$68）
蝦多士炸得香脆，裡面蝦膠足料，富松露香。
黑松露芝士溫泉蛋大啡菇（$48）
好食！大啡菇非常juicy，完全係爆汁！面頭放上嘅溫泉蛋一切即破，成個口感好濕潤，加埋芝士好惹味！
美國安格斯牛板腱扒USDA TOP Blade Steak （$138）
牛板腱百幾蚊就有交易，塊扒仲幾大塊添。牛板腱肉味濃郁，但略嫌overcooked咗少少，肉質較韌。呢個部位無肉眼及西冷部位咁嫩滑，但牛板腱肌咀嚼嘅時候，肉味會越嚼越突出，鍾意肉味重D嘅話，呢個部位係抵食之選！配菜嘅澳洲薯條外脆內軟，深得我心。要注意嘅係牛板腱扒冇得自選生熟度，只係得medium選擇！
澳洲慢煮鴕鳥扒AUS EMU Steak （$188）
一向都知鴕鳥扒低脂、低卡路里、低膽固醇，營養價值好高！估唔到呢度竟然有鴕鳥扒食，咁少見，有冒險精神嘅我倆一於試下！我哋要求medium rare，表面有漂亮嘅格仔坑紋，食落有鴕鳥肉獨有嘅肉味，配搭自家醬汁唔會太臊，肉質都有D似牛，不過作為牛魔王嘅我都係私心鍾意食牛扒多好多啦！
Churros with daily ice-cream （$48）
飯後甜品Churros都唔錯，即點即炸，配上冰涼嘅雪糕，冰火交融。
張貼
