佳尊亞洲美食

營業中

休息中

西九龍中心啱啱六樓新開咗美食廣場，今日去到有好多店舖都仲未開，但聽聞周末人氣已經好旺，特別係隔嚟間意式餐廳日日打哂蛇餅。行行下遇到两位廣東話帶有口音嘅店員主動介紹菜單，望吓個價錢好似幾抵食就食呢間了。我嗌咗青咖哩豬頸肉飯（$52），豬頸肉外皮焦香但唔會燒到硬哂，內裡嫩滑，入口時仍能感受到肉汁嘅甘甜。綠咖哩醬汁濃而不膩，入面落咗幾多材料e.g. 茄子、椒。張相入面嘅米飯份量稍小，飯身偏軟（符合我嘅個人口味），而且老闆主動走埋嚟提供免費添飯，讓我感受到店家嘅誠意。這種細節在美食廣場中尤為難得，通常都要自己招呼自己（不過今日閒日唔多客）。另外加左個越式炸燒賣（$5/3粒），中規中矩，炸燒賣加越式酸辣醬同生菜，之前未食過，我只係加了醬，覺得幾夾，同傳統加胡椒粉落炸燒賣比，別有一翻風味，燒賣係普通魚蓉燒賣，但呢個價錢，唔好話炸，堂食嘅話普通燒賣都未必食到，非常抵食。飯嘅套餐跟洛神花茶，整得唔錯，好易入口，帶有淡淡的花香，非常順喉，唔知有無得添飲呢？絕對會翻嚟再食P.S.見佢地同隔離炸雞舖關係好好，有好多友好嘅互動，體現咗香港多元文化中嘅人情味，增添了美食廣場應有的溫暖氛圍。