公利真料竹蔗水

營業中

休息中

嶺南地區天氣炎熱，多雨地濕，故此居民多飲用涼茶清熱去濕，其後逐步發展成日常飲品，上世紀五、六年代更加遍地開花，梗有一間喺左近。甘蔗汁係其中一種普遍可以喺涼茶舖同街邊生果檔飲到。 呢間屹立喺半山嘅老字號，每日依舊門庭若市，舖頭裝修仍然停留喺五、六十年代風格，地方簡陋，座位只有五、六個及木製玻璃面圓枱一張，牆身有一張由「公利竹蔗專家主人」向客人分享竹蔗種植同熬蔗水方法，可見店方對熬製竹蔗相信有信心。 樽裝蔗汁$30縱觀多款涼茶之中，亦唯獨蔗汁遠近馳名。今日特地買枝裝蔗汁同屋企人分享。蔗汁入口清甜順喉，甜味天然，而且無草青火燥感覺，而且飲完無起痰，難怪賣蔗汁者眾，敢稱專家只此一家。