牛響度麵館 (Aeon Style)

營業中

休息中

AEON美食廣場位置相當多，都幾多嘢食，今日經過呢檔被牛骨湯香味吸引過黎一試。慢煮牛脷熱伴刀削麵 $57 好少地方有得食牛脷，呢度嘅牛脷份量相當多，口感不錯。刀削麵質地厚實，煙煙韌韌，揀咗招牌蔥油，醬汁甜甜，香蔥味濃郁，撈麵不錯。沙茶鮮牛熱伴刀削麵 $57 鮮牛肉勁多，沙茶醬濃郁，少少辣啱啱好。呢款揀咗胡麻醬，撈埋青瓜同蘿蔔，非常之清爽。粟米豚肉小雲吞 $48: 一大碗淨雲吞有20粒咁多，味道不錯，小朋友最啱。值得一提揀咗牛骨湯底非常清爽，淡淡牛骨香味，唔覺意飲多幾啖。蒜泥白肉 $38 ：賣相不錯，白肉上面鋪咗厚厚一層蒜泥，加上醬汁同埋辣油，非常開胃。抵食又飽肚。