深深甜品

營業中

休息中

深深甜品相當出名，尤其係芋泥地瓜圓、珍珠仙草之類，8點已經坐滿咗一大半舖頭嘅位。雖然係主打台式甜品，但都有好多港式糖水嘅選擇，試過少少椰西，椰汁香+有口感西米，真心推薦。*即制蛋白杏仁茶 $26 (+芋圓地瓜圓 $7)餐牌寫住“正”，仲唔係必叫嘅糖水，但深深嘅芋圓都好出名喎，所以我決定加$7加芋圓地瓜圓。果然不負眾人所望！蛋白杏仁茶有超級濃杏仁清香，質地濃厚，杏仁茶+蛋白順滑，唔會太甜，食得出真材實料。芋圓地瓜圓都非常優秀，煙韌又不失芋頭蕃薯香，比起有芋圓粒蕃薯粒嘅粒粒口味，我更加偏好深深嘅單純芋頭蓉蕃薯蓉，而且加$7份量合理。