影片
更多
2019-12-28
259 瀏覽
由於有3張壽司心意卡年尾到期(因為之前外賣送漏咗補償翻🙄)，為咗唔好蝕比佢，所以就當下午茶食少少野，用咗去。老實講，🍣壽司味道係正常，都幾好食嘅，新出嘅汁燒油甘魚唔錯。另外，炙燒明太子三文魚丼幾的骰，味都ok，但牛油果得2片，而且食完都唔覺有明太子😅。不過成餐嘅重點嚟喇，就係衞生情況欠佳，首先我係無叫過有蟹籽嘅食品，而個食物兜上面就痴住咗2粒🤢，唔知第幾手留低，唔通無洗過......？第二，就係丼飯隻匙羹仔其實係有啲污漬嘅，不過無影到。另外，再睇下個地下，前面有隻筷子🥢喺地(利申唔係我跌)，另一邊又有啲食物碎...，真係不了。下午四點幾呢個時份，無乜客人，係咪應該做下簡單清潔呢？同時，餐廳唔多人，但我件蝦天婦羅壽司🍤遲遲都未嚟，連雞軟骨嚟埋，佢都未到，不過一追完，就秒速上咗，漏單吧？服務麻麻，但店員係有禮貌同helpful嘅。總括嚟講，對壽司味道無咩特別批評，保持一貫水準。但愉景新城呢家分店嘅衞生真係有大大改善嘅空間，希望佢唔好放棄食客啦🤭。我差唔多用哂目前嘅元氣積分，短期內應該都唔會食住了。
由於有3張壽司心意卡年尾到期(因為之前外賣送漏咗補償翻🙄)，為咗唔好蝕比佢，所以就當下午茶食少少野，用咗去。
老實講，🍣壽司味道係正常，都幾好食嘅，新出嘅汁燒油甘魚唔錯。另外，炙燒明太子三文魚丼幾的骰，味都ok，但牛油果得2片，而且食完都唔覺有明太子😅。
2 瀏覽
0 讚好
0 留言
不過成餐嘅重點嚟喇，就係衞生情況欠佳，首先我係無叫過有蟹籽嘅食品，而個食物兜上面就痴住咗2粒🤢，唔知第幾手留低，唔通無洗過......？第二，就係丼飯隻匙羹仔其實係有啲污漬嘅，不過無影到。
另外，再睇下個地下，前面有隻筷子🥢喺地(利申唔係我跌)，另一邊又有啲食物碎...，真係不了。
下午四點幾呢個時份，無乜客人，係咪應該做下簡單清潔呢？同時，餐廳唔多人，但我件蝦天婦羅壽司🍤遲遲都未嚟，連雞軟骨嚟埋，佢都未到，不過一追完，就秒速上咗，漏單吧？服務麻麻，但店員係有禮貌同helpful嘅。
總括嚟講，對壽司味道無咩特別批評，保持一貫水準。但愉景新城呢家分店嘅衞生真係有大大改善嘅空間，希望佢唔好放棄食客啦🤭。我差唔多用哂目前嘅元氣積分，短期內應該都唔會食住了。
張貼
