影片
更多
2022-07-21
100 瀏覽
.耐唔耐都會經開美孚，見到呢間個名幾特別，有我想食嘅小食同其他小食鋪未必有嘅小食配搭😍 仲有麵同飯類可以揀，就買咗外賣返屋企嘆！由於係即叫即整，所以落咗單要等一等～ 🍭慢煮雞胸溏心蛋蕎麥麵($58)呢個真係好有驚喜！雞胸好嫩滑! 個溏心蛋一咬開真係忍唔住要幫佢影張相😍 蕎麥麵有配蕎麥麵汁，爽口清涼，仲有蟹柳，好好食！🍭和風安格斯牛板鍵溏心蛋紫菜拌飯($69)牛板鍵份量好多，口感香滑juicy~ 好多醬汁可以撈飯食！飯上面鋪滿好多紫菜絲，仲有成粒溏心蛋，正呀！🍭蝦滑釀茄子($38)店員醒多2舊蝦滑釀尖椒俾我😍 尖椒好大條，茄子同尖椒都釀滿蝦滑，包保啖啖都食到！🍭避風塘雜菌拼盤($38)呢個真係必點🤤 雜菌配埋避風塘真係好惹味😍 雜菌包括有雞髀菇、秀珍菇、海鮮菇同冬菇，全部都勁香口，連我媽都大讚話好好食！🍭紫菜山魷魚鬚($42)魷魚鬚都正但有啲邪惡，未試過夾埋紫菜一齊食，估唔到都幾夾，魷魚鬚大大條，食完真係超級滿足😍🍭炸三文魚鰭($43)炸三文魚鰭唔係度度小店都有得賣，見到呢度有就即刻點咗!! 三文魚鰭炸得好香口不失魚味，唔錯！🍭炸魚肉燒賣($12)燒賣愛好者嘅我點少得炸燒賣😆 佢有幾款醬
耐唔耐都會經開美孚，見到呢間個名幾特別，有我想食嘅小食同其他小食鋪未必有嘅小食配搭😍 仲有麵同飯類可以揀，就買咗外賣返屋企嘆！由於係即叫即整，所以落咗單要等一等～
🍭慢煮雞胸溏心蛋蕎麥麵($58)
呢個真係好有驚喜！雞胸好嫩滑! 個溏心蛋一咬開真係忍唔住要幫佢影張相😍 蕎麥麵有配蕎麥麵汁，爽口清涼，仲有蟹柳，好好食！
🍭和風安格斯牛板鍵溏心蛋紫菜拌飯($69)
牛板鍵份量好多，口感香滑juicy~ 好多醬汁可以撈飯食！飯上面鋪滿好多紫菜絲，仲有成粒溏心蛋，正呀！
🍭蝦滑釀茄子($38)
店員醒多2舊蝦滑釀尖椒俾我😍 尖椒好大條，茄子同尖椒都釀滿蝦滑，包保啖啖都食到！
🍭避風塘雜菌拼盤($38)
呢個真係必點🤤 雜菌配埋避風塘真係好惹味😍 雜菌包括有雞髀菇、秀珍菇、海鮮菇同冬菇，全部都勁香口，連我媽都大讚話好好食！
🍭紫菜山魷魚鬚($42)
魷魚鬚都正但有啲邪惡，未試過夾埋紫菜一齊食，估唔到都幾夾，魷魚鬚大大條，食完真係超級滿足😍
🍭炸三文魚鰭($43)
炸三文魚鰭唔係度度小店都有得賣，見到呢度有就即刻點咗!! 三文魚鰭炸得好香口不失魚味，唔錯！
🍭炸魚肉燒賣($12)
燒賣愛好者嘅我點少得炸燒賣😆 佢有幾款醬料可以點，我就點咗蜜糖芥末醬，個醬料都幾好食，燒賣炸得剛好唔會太乾！
張貼
