珍記大廚小食

營業中

休息中

去咗白田買宵夜畀屋企人食，呢間係朋友介紹，話做開街坊生意，平靚正。佢哋嘅招牌自家製蔥油，食過返尋味。叫咗酸辣粉，蔥油雞扒飯，避風塘豬扒飯，一個飯先32蚊，學生仲平只是28蚊。本身好鍾意食蔥，有蔥我可以送一大碗白飯。蔥油配雞扒好正，雞扒煎得脆卜卜，蔥油聞到都流口水。避風塘豬扒飯打開飯盒，就聞到香噴噴，避風塘有少少辣，好惹味。仲買咗我最愛嘅煎釀三寶，呢度十蚊六件平通街，窮人恩物😁等外賣期間都有唔少人幫襯，真係石硤尾 平靚正之選。