美味小食

營業中

休息中

深夜肚餓，最適合食d惹味既港式小食做宵夜！！中美樓樓下既小食店，日頭係無開架，不過到左夜晚就好多人幫襯！是日order左辣味魚蛋同豬腸粉。魚蛋有咬口，唔會蒸到變左粉魚蛋，口感實在彈牙。同埋咖喱好入味，超級惹味！咖喱汁真係好正，用埋黎點腸粉，一流！！唔食得辣都可以試下。豬腸粉好滑溜，同埋粉感唔重，唔會覺得吃緊一堆麵團。細細條，唔會膩。鋪頭細細，食物簡單，老闆娘好好人，笑容滿面。深夜有幾張檯燈，三五知己食下宵夜吹下水，唔錯！如果夜晚行開大角嘴，不妨黎試下。