影片
更多
6天前
0 瀏覽
最近去咗沙田圍嘅「金沙角美食小廚」食大排檔小炒，依間餐廳好旺場，設有室內、室外座位，小菜款款都鑊氣夠、份量多，大大碟，啱曬一大班人約埋Share一齊食，餐牌食物款式多，價錢合理，略嫌飲品費用為獨立計算收費，而需另外繳付有關金額$24。芝士焗桶蠔烏冬底（單點$238），表面鋪滿水牛芝士，採用美國桶蠔製作，桶蠔好大隻，肉質肥美，略嫌口感食落有點類似蠔豉，烏冬口感煙韌，容易掛汁，配以水牛芝士、芝士醬食用，味道濃郁。椒鹽鮮魷拼九肚魚（單點$133），椒鹽鮮魷，炸皮口感薄脆，魷魚口感爽彈，食落好新鮮，配以椒鹽、炸蒜食用，食落好香口；椒鹽九肚魚，口感外酥脆內嫩滑，味道鮮甜，配以喼汁食用，味道清爽。懷舊煎蠔餅（單點$108），份量大，表面鋪有芫荽，蠔餅炸得金黃酥脆，口感厚身，蠔仔、粉漿比例適中，蠔仔肉質飽滿，食落鮮味十足，配以魚露食用，味道更佳。金銀蛋浸時蔬（單點$88），表面鋪有肉碎，菠菜口感爽嫩，採用三色蛋製作，包括有皮蛋、鹹蛋、雞蛋，鹹蛋味道鹹香。巴侖氏清熱菊花飲（單點$12），飲落帶有花香，味道清甜。道地鴨屎香檸檬茶（單點$12），味道酸甜，略嫌鴨屎香茶底茶味不夠突出。普洱（跟餐$0），茶味
芝士焗桶蠔烏冬底（單點$238），表面鋪滿水牛芝士，採用美國桶蠔製作，桶蠔好大隻，肉質肥美，略嫌口感食落有點類似蠔豉，烏冬口感煙韌，容易掛汁，配以水牛芝士、芝士醬食用，味道濃郁。
椒鹽鮮魷拼九肚魚（單點$133），椒鹽鮮魷，炸皮口感薄脆，魷魚口感爽彈，食落好新鮮，配以椒鹽、炸蒜食用，食落好香口；椒鹽九肚魚，口感外酥脆內嫩滑，味道鮮甜，配以喼汁食用，味道清爽。
懷舊煎蠔餅（單點$108），份量大，表面鋪有芫荽，蠔餅炸得金黃酥脆，口感厚身，蠔仔、粉漿比例適中，蠔仔肉質飽滿，食落鮮味十足，配以魚露食用，味道更佳。
金銀蛋浸時蔬（單點$88），表面鋪有肉碎，菠菜口感爽嫩，採用三色蛋製作，包括有皮蛋、鹹蛋、雞蛋，鹹蛋味道鹹香。
巴侖氏清熱菊花飲（單點$12），飲落帶有花香，味道清甜。
道地鴨屎香檸檬茶（單點$12），味道酸甜，略嫌鴨屎香茶底茶味不夠突出。
普洱（跟餐$0），茶味濃香。
張貼