影片
更多
2021-06-12
153 瀏覽
一直都好想試吓家後出晒名嘅芝士蛋糕，今晚終於有機會食了。舖頭主要都係做街坊生意，舖面唔算好大，但可能星期日，排隊等位同等外賣嘅食客就一直keep住有，想坐低食嘅話建議早少少到啦。今晚兩個人叫左唔少野食。第一份係紅燒豬腩飯 （$42），跟餐有是日例湯或飲品，但因為天氣太熱，揀左罐凍可樂。 呢度嘅豬腩炆得好淋，好易入口，都好入味。肥膏同腩肉嘅比例亦都好好，好香。碗豬腩肉都有成8-10舊，下面仲有好大舊薯仔，同埋菜。白飯就無咩特別評論啦，好大碟囉，總之撈汁食就非常正。第二份係出名嘅手工水餃。揀左雲耳椰菜豬肉湯餃，加套餐B要埋個是日飯團，再加罐凍忌廉（$51）。個水餃皮薄薄地，入面塞滿餡料，有成8隻咁多。湯底有啲蓮藕嘅味道，飲落都好正。是日飯團寫到明係用日本米整嘅，用保鮮紙包住，暖暖地，好方便拎上手食。餡料都好豐富，有啲菇、豬肉等等。細食嘅女仔基本上夠曬嫁啦。小食都叫左兩份。麻辣雞腎（$20），都比想像中大碟。食落爽口嘅，辣汁就真係幾香辣下！好似我咁唔太食得辣，但又想試下過癮嘅話，可以將啲雞腎浸一浸落頭先嘅水餃湯度。🤣浸完再食都仲係好爽。🤣另外再叫左碟滷水雞翼（$25），有4隻。啲雞肉好容易就
今晚兩個人叫左唔少野食。第一份係紅燒豬腩飯 （$42），跟餐有是日例湯或飲品，但因為天氣太熱，揀左罐凍可樂。
呢度嘅豬腩炆得好淋，好易入口，都好入味。肥膏同腩肉嘅比例亦都好好，好香。碗豬腩肉都有成8-10舊，下面仲有好大舊薯仔，同埋菜。白飯就無咩特別評論啦，好大碟囉，總之撈汁食就非常正。
紅燒豬腩飯
$42
31 瀏覽
0 讚好
0 留言
第二份係出名嘅手工水餃。揀左雲耳椰菜豬肉湯餃，加套餐B要埋個是日飯團，再加罐凍忌廉（$51）。個水餃皮薄薄地，入面塞滿餡料，有成8隻咁多。湯底有啲蓮藕嘅味道，飲落都好正。
雲耳椰菜豬肉餃
11 瀏覽
0 讚好
0 留言
是日飯團寫到明係用日本米整嘅，用保鮮紙包住，暖暖地，好方便拎上手食。餡料都好豐富，有啲菇、豬肉等等。細食嘅女仔基本上夠曬嫁啦。
是日飯團
2 瀏覽
0 讚好
0 留言
小食都叫左兩份。麻辣雞腎（$20），都比想像中大碟。食落爽口嘅，辣汁就真係幾香辣下！好似我咁唔太食得辣，但又想試下過癮嘅話，可以將啲雞腎浸一浸落頭先嘅水餃湯度。🤣浸完再食都仲係好爽。🤣
麻辣雞腎
$20
9 瀏覽
0 讚好
0 留言
另外再叫左碟滷水雞翼（$25），有4隻。啲雞肉好容易就骨肉分離，睇得出啲滷水都浸得好夠味。 一人兩隻當加餸就岩岩好啦。
滷水雞翼
$25
7 瀏覽
0 讚好
0 留言
最後！重點！呢度嘅芝士蛋糕真係一定要食！自家製嘅日式芝士蛋糕，幾乎個個落單都聽到佢個名嫁啦，手快有手慢無。我哋要左一件原味嘅做飯後甜品（$25），芝士味濃，唔膩唔濟，個蛋糕邊濃濃地好正，入面入口即溶，好幸福的感覺！😍😍 見舖頭個雪櫃有寫有其他味道嘅芝士蛋糕，但都俾人清晒了，真係好搶手！
芝士蛋糕原味
$25
4 瀏覽
0 讚好
0 留言
總結我地叫左咁多野食，都係$160左右，食得超飽，最後個芝士蛋糕簡直係一個完美句號！
張貼
