炯記燒味 (坤成樓)

營業中

休息中

今日幫屋企人嚟荃灣攞嘢，搞掂喺附近食埋晏先走。回程時路經街市街，見到有間「炯記燒味」。櫥窗入面嘅叉燒、燒鵝賣相好靚仔，令立立，一於買番啲返屋企今晚做餸。原來呢度逢星期一至日都會有一款特價燒味供應，另外仲有三款超值加餸組合。揀咗半斤燒腩仔同半隻豉油雞，價錢非常經濟，只係 $118，真心抵食。燒腩仔外皮脆卜卜，腩肉肥瘦適中，皮脆肉嫩，肉質鬆軟又夠腍滑，而且醃得味道啱啱好，唔會太鹹。玫瑰豉油雞亦唔嘢少，雞夠大隻，雞皮好薄，豉油味調校得很不錯，雞肉十分嫩滑，入口啖啖肉，令人食指大動。下次想加餸可以再嚟幫襯。