影片
更多
2016-03-16
3262 瀏覽
3個人去食海鮮，見facebook話大角咀呢間做緊特價優惠，就揀咗呢間！先來一個刺身拼盤，同四款生蠔 刺身有帶子，赤背，螺同甜蝦，我覺得比較一般，最好係赤背，比較甜d，但整體都唔係好鮮味，我唔知係咪因為應該再解多少少凍先，定真係冇味蠔我哋揀咗四款，佢安排左我地分先後次序食，第一就係美國，就係平時食開嘅口味，比較淡但係都好香。第二就係韓國，呢個真係好介紹，非常好味，質地又爽脆，又有海水味得來蠔味又出！真係好正！第三就係愛爾蘭，佢話呢一隻會有回甘，同埋比較濃味，食起上嚟真係幾咸！而所謂嘅回甘就係其實係好濃嘅蠔腥味，我嘅形容係似行街市嗰陣味，哈哈 第四係蘇格蘭，都係比較濃味嘅，但係因為韓國嗰隻實在太出色啦，所以呢隻相比之下都冇咁深刻喇 訂左一人一隻Cherrystone，真係好大隻好肥美，佢有一個汁可以點嘅，但係我就先就咁食咗個鮮味先，真係非常之鮮甜！個醬都校得幾特別幾清同少少辣。 生牛肉冇乜牛味，只係食到上面啲沙律同埋啲醬汁嘅味道 呢個虾Pizza幾好味，雖然唔係話好特別，但係有水準，餅底都好脆，大虾好爽，冇雪味 意大利飯普通，幾香香草，好creamy，唔會太硬 一
先來一個刺身拼盤，同四款生蠔
刺身有帶子，赤背，螺同甜蝦，我覺得比較一般，最好係赤背，比較甜d，但整體都唔係好鮮味，我唔知係咪因為應該再解多少少凍先，定真係冇味
蠔我哋揀咗四款，佢安排左我地分先後次序食，第一就係美國，就係平時食開嘅口味，比較淡但係都好香。第二就係韓國，呢個真係好介紹，非常好味，質地又爽脆，又有海水味得來蠔味又出！真係好正！第三就係愛爾蘭，佢話呢一隻會有回甘，同埋比較濃味，食起上嚟真係幾咸！而所謂嘅回甘就係其實係好濃嘅蠔腥味，我嘅形容係似行街市嗰陣味，哈哈
第四係蘇格蘭，都係比較濃味嘅，但係因為韓國嗰隻實在太出色啦，所以呢隻相比之下都冇咁深刻喇
訂左一人一隻Cherrystone，真係好大隻好肥美，佢有一個汁可以點嘅，但係我就先就咁食咗個鮮味先，真係非常之鮮甜！個醬都校得幾特別幾清同少少辣。
生牛肉冇乜牛味，只係食到上面啲沙律同埋啲醬汁嘅味道
呢個虾Pizza幾好味，雖然唔係話好特別，但係有水準，餅底都好脆，大虾好爽，冇雪味
意大利飯普通，幾香香草，好creamy，唔會太硬
一口牛我朋友話黃大仙分店整得較出色，呢個係幾鬆軟，不過冇乜牛肉香
仲開左支酒，開頭飲有dd酸，好易入口都好match d海鮮
值得讚的是服務真的很好，我地3個傾計坐到最後，店員開始執野洗野，佢地都叫我地慢慢坐，完全冇唔耐煩，我地都見咁上下就唔阻住人收工了
張貼
