上海新大眾大閘蟹專門店

最近真係俾呢間大閘蟹專門店洗晒版！一入到去成個場都係蟹味，未食已經流晒口水！今次我哋就為咗佢個傳說中「全港最平」嘅瀑布蟹粉黃金撈麵而嚟，真係抵到震，聽講仲平過深圳添！🤤

🍽️ 瀑布蟹粉黃金撈麵
真係冇誇張，一上枱成個碗都係橙黃色嘅蟹粉！撈麵嗰陣陣香氣直衝腦門，忍唔住大口大口咁食！麵條彈牙有咬口，每一條都沾滿鮮甜嘅蟹粉，簡直係蟹粉控嘅天堂！呢個價錢食到咁足料嘅蟹粉撈麵，真係抵到喊！

而家仲有個超強優惠，只要你叫咗呢個麵，就可以用超抵價加購其他招牌蟹粉小食！
好似爆汁蟹粉小籠包、蟹粉香脆春卷同蟹粉糯米包，真係超抵！我哋仲加咗個酥皮海鮮蟹黃羹，湯羹料足又夠熱，上面嘅酥皮脆卜卜，一啖滿足晒兩個願望！