蟹膳 (已搬遷) 新店位置

久聞蟹膳，趁出花紅同家人到訪。以經濟抵食為前題，選擇午餐。四款午餐，先剔除牛/豚肉火鍋。淨下有蟹火鍋、蟹天婦羅及行政午餐(即係天婦羅餐加$50比多碟蟹)。天婦羅炸得好好食，冇乜油，有水準。碟燒蟹鉗燒得好香，好食！另外最後有火鍋用來食野菜，份量都唔少，有鳥冬同蒟蒻，一定夠飽。唯一美中不足係碗飯麻麻地。服務一流，靚仔侍應細心介紹餐牌。聽到我地傾偈讚粒漬車厘茄好食，即刻另外送四粒比我地，好細心。美味開心的一餐！