蟹慶 (已結業)

套餐 - 蟹愉大蝦沙律 大蝦沙律嘅清爽沙律菜以香甜嘅柚子汁調味。蝦肉鮮甜彈牙，蟹子粒粒多汁爽口，俾人一種清新嘅口感，開胃消暑。季節刺身三點 季節刺身三點以時令海鮮精心切配，帶子，三文魚，池魚，口感鮮嫩肥美。松葉蟹肉三文魚籽茶碗蒸 松葉蟹肉三文魚籽茶碗蒸以鮮美嘅松葉蟹肉同香滑細緻嘅茶碗蒸為主。搭配著清淡嘅高湯，彈牙嘅麼菇同口感順滑嘅蒸蛋。蟹肉鮮甜多汁，以三文魚籽嘅鹹香點綴其中，口感渾厚醇厚。鹽焗活蟹 鹽焗活蟹炮製簡單，但完美保留咗蟹肉嘅鮮嫩同原始風味，肉質飽滿彈牙，蟹膏令人滋味。蟹殼沾上碗内嘅粗鹽，間接為蟹肉提味。龍蝦天婦羅 龍蝦天婦羅酥脆香郁，外酥內嫩，肉質非常彈牙，加上各種天婦羅秋葵，天婦羅南瓜同天婦羅矮瓜，十分滋味。鯛魚白湯 鯛魚白湯清淨雅致，滋味醇厚，湯頭鮮甜可口，鯛魚魚肉彈牙。松葉蟹肉濃湯素麵 松葉蟹肉濃湯素麵擺盤精緻高雅，蟹鉗配上蘆筍優雅放上濃湯素麵，濃郁芡汁帶出鹹香味，麵條有嚼勁，感覺令人幸福。紅豆綠茶布甸黑糖蕨餅甜品係紅豆綠茶布甸配搭黑糖蕨餅，富有日式風味，綠茶布甸帶有地道微微苦澀，卻甜而不膩。