影片
更多
2021-09-11
568 瀏覽
喺佐敦食完嘢見到有間新開嘅餅店，佢叫做「北海道牛乳蛋糕」，舖面超大，門外有大大個蛋糕櫃，陳列出各式糕點，好吸引😍。小店並唔係賣近來開到成行成市嘅古早蛋糕，反而係主打北海道3.6牛乳蛋糕🥛，每日新鮮焗製，總共有六款口味可選，價錢由$100至$130不等。黃金鹹蛋芝士蛋糕($130)，🎂蛋糕好大個，估計直徑約有20厘米，而且仲夠哂高身，食一角都夠做早餐。蛋糕質感鬆軟，好重蛋味同牛奶味。🧀芝士雖則唔太強拉絲效果，但配合埋鹹蛋碎，滲透出淡淡鹹香，味道恰到好處，唔會過濃。金寶肉桂蘋果批($25)，呢類批其實一啲都唔細個，而且仲好足料。🍎頂層嘅金寶非常酥脆，入面充滿住爽嫩富士蘋果肉同提子乾，肉桂味好突出，再加埋吉士醬，正啊。我另外仲嗌左兩款鹹批，分別係🐮照燒牛肉芝士批($22)同埋🐔綿爽蘑菇芝士雞批($22)，兩款批嘅造型同味道都有啲似，店員好細心提醒我面頭有香草嘅嗰個係牛肉批。批層酥香，內裏就夾雜住好豐富嘅餡料，包括燒牛肉／雞肉、蘑菇、火腿、芝士以及洋蔥等，我認為牛批比較惹味。題外話，收銀處後邊就係糕餅製作工場，目測衛生情況良好，透明度高，食客自然食得安心👍。另外，我亦冇諗過小店設有堂食座位，行
喺佐敦食完嘢見到有間新開嘅餅店，佢叫做「北海道牛乳蛋糕」，舖面超大，門外有大大個蛋糕櫃，陳列出各式糕點，好吸引😍。
小店並唔係賣近來開到成行成市嘅古早蛋糕，反而係主打北海道3.6牛乳蛋糕🥛，每日新鮮焗製，總共有六款口味可選，價錢由$100至$130不等。
黃金鹹蛋芝士蛋糕
$130
11 瀏覽
0 讚好
0 留言
黃金鹹蛋芝士蛋糕($130)，🎂蛋糕好大個，估計直徑約有20厘米，而且仲夠哂高身，食一角都夠做早餐。蛋糕質感鬆軟，好重蛋味同牛奶味。🧀芝士雖則唔太強拉絲效果，但配合埋鹹蛋碎，滲透出淡淡鹹香，味道恰到好處，唔會過濃。
金寶肉桂蘋果批
$25
5 瀏覽
0 讚好
0 留言
我另外仲嗌左兩款鹹批，分別係🐮照燒牛肉芝士批($22)同埋🐔綿爽蘑菇芝士雞批($22)，兩款批嘅造型同味道都有啲似，店員好細心提醒我面頭有香草嘅嗰個係牛肉批。批層酥香，內裏就夾雜住好豐富嘅餡料，包括燒牛肉／雞肉、蘑菇、火腿、芝士以及洋蔥等，我認為牛批比較惹味。
題外話，收銀處後邊就係糕餅製作工場，目測衛生情況良好，透明度高，食客自然食得安心👍。
另外，我亦冇諗過小店設有堂食座位，行到攰入嚟飲杯嘢食件餅，坐吓抖吓，絕對係一個唔錯嘅活動😛！
總括嚟講，呢間蛋糕專門店幾好，出品選擇繁多，定價合理。行過買個大蛋糕返屋企食吓或同朋友慶祝生日都得，又或者如果要諗買乜散水餅，不妨可以考慮吓佢嘅細批呢🥧。
張貼
