影片
更多
2024-12-21
235 瀏覽
餐廳嘅裝修好豪華，因為臨近聖誕節，所以餐廳都佈置得紅噹噹，就好似入咗個聖誕小鎮咁😍 枱上面都擺咗一支紅玫瑰🌹入座嘅時候就可以坐一張勁大嘅梳化，成件事覺得自己變成女王👸🏻 我地叫左2個set lunch，有2 /3 /4 courses 叫，分別係$238 /$258 /$338，其實價錢一啲都唔貴，重可以加錢食更高級海鮮菜式😙..湯我地叫法式澳洲活龍蝦湯🦞 （+$48），佢比起出面嘅龍蝦湯更濃郁，有超級鮮甜嘅龍蝦味😋 Starter 叫左北海道帶子刺身沙律 （+$28）同藍鯨吞拿魚他他 （+$68），前者喺沙律菜上面加咗四片帶子刺身，後者係將切碎咗嘅吞拿魚肉調味，好鮮甜嘅魚味🐟..主菜叫左法式低溫慢煮東升石斑🐟同慢煮西班牙黑毛豬𩣑（+$28）🐷每個都配有薯蓉、蘿蔔同埋筍，估唔到隻豬好嫩滑，用把刀一切就已經切咗落去，伴碟重多咗個冰糖蘋果，一路食住豬再食個蘋果，好清新😋 而東升石斑咁嘅整法都第一次食，比起平時啲魚柳更加軟滑。..甜品就叫咗季節限定是日甜品同原隻海膽雪糕（+$48）🍦 前者係自家製芝士蛋糕🍰芝士味口感軟滑。而個原隻海膽雪糕真心驚喜！一上到枱見到個碟就已經滿滿嘅儀式感，佢嘅碗就
餐廳嘅裝修好豪華，因為臨近聖誕節，所以餐廳都佈置得紅噹噹，就好似入咗個聖誕小鎮咁😍 枱上面都擺咗一支紅玫瑰🌹入座嘅時候就可以坐一張勁大嘅梳化，成件事覺得自己變成女王👸🏻 我地叫左2個set lunch，有2 /3 /4 courses 叫，分別係$238 /$258 /$338，其實價錢一啲都唔貴，重可以加錢食更高級海鮮菜式😙
.
.
湯我地叫法式澳洲活龍蝦湯🦞 （+$48），佢比起出面嘅龍蝦湯更濃郁，有超級鮮甜嘅龍蝦味😋 Starter 叫左北海道帶子刺身沙律 （+$28）同藍鯨吞拿魚他他 （+$68），前者喺沙律菜上面加咗四片帶子刺身，後者係將切碎咗嘅吞拿魚肉調味，好鮮甜嘅魚味🐟
.
.
主菜叫左法式低溫慢煮東升石斑🐟同慢煮西班牙黑毛豬𩣑（+$28）🐷每個都配有薯蓉、蘿蔔同埋筍，估唔到隻豬好嫩滑，用把刀一切就已經切咗落去，伴碟重多咗個冰糖蘋果，一路食住豬再食個蘋果，好清新😋 而東升石斑咁嘅整法都第一次食，比起平時啲魚柳更加軟滑。
.
.
甜品就叫咗季節限定是日甜品同原隻海膽雪糕（+$48）🍦 前者係自家製芝士蛋糕🍰芝士味口感軟滑。而個原隻海膽雪糕真心驚喜！一上到枱見到個碟就已經滿滿嘅儀式感，佢嘅碗就已經係海膽嘅樣😂 一大片海膽已經好滿足，雪糕係豆腐雪糕Mix with海膽粒，呢樣嘢係最估唔到嘅，每啖嘅雪糕都可以食到海膽嘅味道，真係冇得頂😍💯 我地再加左個時令海膽刺身多士（+$58），同樣都係一大片海膽，上面仲有魚子😯，忍唔住叫多一份😋
.
.
飲品叫咗Rainbow ($158)🌈 同Lychee Martini ($158)🍸 Rainbow真係名正言順彩虹咁嘅顏色，最底層係果醬，vodka 底，撈勻咗之後清清甜甜好入口👍🏻 相反，如果想飲啲濃烈啲嘅我就推薦Lychee Martini ，杯邊有一圈嘅糖，上面仲有一串三粒嘅荔枝浸喺入面。
張貼
