影片
更多
2024-12-18
0 瀏覽
中環蘭桂坊一帶好多美食，呢晚試咗一間法國餐廳。餐廳環境優雅，裝修精緻，見有唔少朋友食飯及慶祝活動。晚飯以set dinner 為主，有二、三或四個course可供選擇，價錢由$368- $468不等，亦可另外加錢upgrade菜式。我哋每人點咗四個course，share一齊食。薯仔大蒜湯 - 餐湯係薯仔大蒜湯，煮得非常香滑，帶有淡淡嘅蒜香味，味道唔錯。塔斯曼尼亞海膽多士 - 海膽非常鮮味，份量都唔少，配以香脆嘅多士一齊食，口感非常豐富。凱撒沙律 - 沙律菜非常新鮮，配以芝士粉及煙肉，好開胃嘅一個前菜。法式龍蝦汁海鮮薏米飯 - 入口充滿龍蝦汁嘅鮮味，配以青口及蝦，質素非常好。另外要讚吓個薏米飯入口好清新，比意大利飯感覺light啲。法國鵝肝牛柳（+$38）- 牛味相當濃郁，就算點咗七成熟，入口依然嫩滑。鵝肝份量亦都唔少，入口充滿油脂香味，值得一試。原隻海膽雪糕（+$48）- 見呢個甜品充滿玩味，所以專登加錢試吓。估唔到海膽加上豆腐味雪糕，又幾夾喎。餐廳季節限定甜品係Tiramisu - 質地又滑，帶咖啡同酒味，口感層次分明。另外點咗兩杯Cocktail，分別係LM Chocolate
晚飯以set dinner 為主，有二、三或四個course可供選擇，價錢由$368- $468不等，亦可另外加錢upgrade菜式。我哋每人點咗四個course，share一齊食。
薯仔大蒜湯 - 餐湯係薯仔大蒜湯，煮得非常香滑，帶有淡淡嘅蒜香味，味道唔錯。
塔斯曼尼亞海膽多士 - 海膽非常鮮味，份量都唔少，配以香脆嘅多士一齊食，口感非常豐富。
凱撒沙律 - 沙律菜非常新鮮，配以芝士粉及煙肉，好開胃嘅一個前菜。
法式龍蝦汁海鮮薏米飯 - 入口充滿龍蝦汁嘅鮮味，配以青口及蝦，質素非常好。另外要讚吓個薏米飯入口好清新，比意大利飯感覺light啲。
法國鵝肝牛柳（+$38）- 牛味相當濃郁，就算點咗七成熟，入口依然嫩滑。鵝肝份量亦都唔少，入口充滿油脂香味，值得一試。
原隻海膽雪糕（+$48）- 見呢個甜品充滿玩味，所以專登加錢試吓。估唔到海膽加上豆腐味雪糕，又幾夾喎。
餐廳季節限定甜品係Tiramisu - 質地又滑，帶咖啡同酒味，口感層次分明。
另外點咗兩杯Cocktail，分別係LM Chocolate Martini 及 LM Rainbow ($158@)。Chocolate Martini 帶濃濃嘅朱古力味，面頭仲加咗一層朱古力粉，同Martini 形成強烈對比。
Rainbow則用上較多嘅果汁，所以比較容易入口，飲落慢慢會飲到淡淡嘅Martin。
呢間法國餐廳佈置有情調，食物質素唔錯，適合朋友聚餐或慶祝活動。
張貼
