影片
更多
2023-03-23
56 瀏覽
Brick by Brick📍中環士丹頓街21號地庫呢日放工約咗朋友去中環食飯，醒起之前去大館經過soho區，有好多正餐廳，所以上網睇下有咩好食。見到好多人推介呢間馬拉喇沙面，話口味正宗無添加，所以決定同我位好鍾意食麵嘅朋友一齊試下！佢位於一條窄巷內，唔用google map都差啲搵唔到，對外範圍人流唔算多，唔會太嘈太污煙漳氣。店員非常好客友善，用心介紹每一道菜式所用嘅食材同煮法，強調天然無添加，令我哋食得更放心。 💰$118秘製馬來西亞咖喱喇沙湯麵 🥘第一度介紹嘅當然係最出名嘅喇沙湯麵啦，唔好睇佢碗湯好似好多紅色嘅辣油，其實係小朋友都接受得到嘅bb辣。湯底顏色望落好鮮色好橙，但一啲都唔鹹，因為店員話佢哋係用全天然嘅食材，以不加一粒糖嘅方式炒香料頭，再用比例較少嘅椰奶整成喇沙湯底。佢嘅喇沙似一般食到嘅滲滲，有齊粗幼兩種麵同粉。我比較鍾意食幼身嘅粉，而朋友就比較鍾意食粗身嘅麵，一碗喇沙就滿足晒我哋兩個！半隻嘅半熟蛋又大隻又好味，加埋大量嘅椰菜同其他配料，味道十分正宗！脆炸梅子一口雞 🐓全場最得我歡心嘅就係呢款梅子一口雞，睇樣都知佢炸得非常香脆，裏面嘅雞肉嫩滑多汁，而且我好鍾意佢嘅梅子調味
📍中環士丹頓街21號地庫
呢日放工約咗朋友去中環食飯，醒起之前去大館經過soho區，有好多正餐廳，所以上網睇下有咩好食。見到好多人推介呢間馬拉喇沙面，話口味正宗無添加，所以決定同我位好鍾意食麵嘅朋友一齊試下！
佢位於一條窄巷內，唔用google map都差啲搵唔到，對外範圍人流唔算多，唔會太嘈太污煙漳氣。店員非常好客友善，用心介紹每一道菜式所用嘅食材同煮法，強調天然無添加，令我哋食得更放心。
[價錢 Price]
💰$118
秘製馬來西亞咖喱喇沙湯麵 🥘
第一度介紹嘅當然係最出名嘅喇沙湯麵啦，唔好睇佢碗湯好似好多紅色嘅辣油，其實係小朋友都接受得到嘅bb辣。湯底顏色望落好鮮色好橙，但一啲都唔鹹，因為店員話佢哋係用全天然嘅食材，以不加一粒糖嘅方式炒香料頭，再用比例較少嘅椰奶整成喇沙湯底。
佢嘅喇沙似一般食到嘅滲滲，有齊粗幼兩種麵同粉。我比較鍾意食幼身嘅粉，而朋友就比較鍾意食粗身嘅麵，一碗喇沙就滿足晒我哋兩個！半隻嘅半熟蛋又大隻又好味，加埋大量嘅椰菜同其他配料，味道十分正宗！
脆炸梅子一口雞 🐓
全場最得我歡心嘅就係呢款梅子一口雞，睇樣都知佢炸得非常香脆，裏面嘅雞肉嫩滑多汁，而且我好鍾意佢嘅梅子調味！佢嘅梅子味唔似台式嘅梅粉，食落有好香梅子味，甜甜哋好醒胃！一份有六件，我同朋友可以各自食三件，勁抵食！
[價錢 Price]
💰$165
火熱砂煲香濃肉骨茶 🍲
呢個肉骨茶套餐配白飯、油炸鬼同手工蒜香米餅，非常抵食。佢嘅肉骨茶用砂煲裝住，上檯嘅時候仲係滾緊，熱辣辣！佢嘅湯底由多種適合女性食用嘅藥材熬製而成，而且無落一粒糖同味精，所以店員推薦我飲晒佢，補一補！
至於佢嘅肉無選用一般肉骨茶常用嘅一字骨，而係用豬軟骨替代，除咗感覺好新奇外，亦見到餐廳為食客考慮，揀選食用時更方便嘅食材，唔怕有骨，基本上成個煲嘅嘢都可以食用，好有心思！
兩款跟餐嘅炸物都非常脆口，口感偏硬，可以浸湯食用。除此之外，餐廳知道香港人未必食得慣好濃味嘅肉骨茶，但又想為馬拉食客食到地道嘅口味，於是佢哋提供有一碟用整個蒜頭製成嘅醬，供客人按個人口味添加，非常貼心。
價錢 Price]
💰$106
日式炒雜菜 🥬
雖然話係馬來西亞菜，但全間餐廳都有好多日本師傅煮嘢食嘅黑白相掛喺度。所以我哋就叫咗呢款日式炒雜菜試下，佢裏面有大量高麗菜、芽菜、香菇、白菇等等，味道偏清淡，有鑊氣得嚟唔油膩，同較濃味嘅喇沙同肉骨茶一齊食啱啱好！
[價錢 Price]
💰$42
話梅桃膠羅漢果茶 🍹
朋友叫咗呢杯好特別嘅中式飲品，佢係由話梅、桃膠同羅漢果茶調配而成。本身其實我唔係太鍾意羅漢果，但佢呢杯飲品天然得來好解暑，啱晒我哋去嗰日咁焗熱嘅天氣！桃膠飲落去就好似啫喱咁，而話梅嘅酸甜味，亦都發揮咗一個好好嘅化學作用！朋友認為杯嘢飲非常好飲，特別想推介比一啲鍾意去飲嘢，但又注重健康嘅朋友！
張貼
