正宗水上人氣鍋專門店 (已結業)

今晚又同三五知己去旺角食蒸海鮮呢間正宗水上人家蒸海鮮喺旺角鬧市我去完行街 在 去行角街再去食飯超級方便朋友拍板點咗好多海鮮 有細龍蝦、貴妃蚌 、海蝦、鮑魚、蜆… 另外仲有蒸雞、馬拉糕、跟住粥底火鍋係南瓜排骨。望落去都流曬口水 我超級鍾意胭脂蜆，外形比大蜆圓小小，肉鮮甜，其實個外貌有啲似北寄貝，職員哥哥話胭脂蜆大個咗就係北寄貝(哈哈!唔知係咪真㗎呢。) 另外我勁鍾意海蝦，隻隻都有四份三筷子咁長，好大隻，肉質又鮮又爽又甜，蝦頭有多膏。海蝦真係必食之選。龍蝦亦係主角，好新鮮，啲肉好彈牙，蒸得啱啱好唔會老。 另外有碟蒜蓉貴妃蚌…… 又惹味又爽口最後我最鐘意食蒸文昌雞，8分鐘就食得，滑到痺，d雞油帶領住陣陣雞香，唔會覺得肥覺得膩! 好掂總括嚟講呢度嘅海鮮新鮮，份量足。職員哥哥好盞鬼又夠幽默風趣。我仲見到職員喺水缸度即刻撈啲海鮮畀客人，嗰隻阿拉斯加蟹蟹大過我個頭，原來呢度都有阿拉斯加蟹嘅套餐，下次嚟食又有目標。