HANA Korean Restaurant

蒸泡菜餃子足料又夠辣，餃皮唔會好厚👍🏼夠惹味！煎濟州黑豚肉餃子 煎得脆身，入面包住豚肉碎同韓國粉絲，點埋餃子汁食味道更佳。試過兩款餃子後，我個人覺得蒸餃子好味。人蔘雞粥 韓式粥比港式粥稠杰啲，食到粒粒米，加上麻油熬製嘅粥特別香，粥底有一條條雞絲、人蔘絲、薯仔粒、蘿蔔粒，健康夠滋補，我仲加上配料泡菜同醃蘿蔔調味，味道再昇華左！釜山魚糕烏冬 擺盤幾靚，唔同種類既魚糕串成一串，食落幾彈牙既，湯底幾甜，烏冬幼身夠滑。雖然餐廳地方比較骨緻，但坐得舒服即。我地另外叫左罐提子汁，都幾好飲唔會好甜。