第一輪蒸鮑魚同蟶子，鮑魚蒸到剛熟，咬落去又彈牙又鮮甜，完全唔使點豉油！蟶子大大隻，蒸完啲海水精華全部留喺殼裡面，飲一啖湯再食肉，鮮味直頭爆燈！
重點梗係佢哋嘅招牌蟹！每人半隻龍蝦同膏蟹，龍蝦肉爽口到不得了，膏蟹嘅蟹膏多到滿瀉，蒸完之後啲膏仲係半流心狀態，食落去甘香到唔捨得吞～
最正係個粥底！蒸海鮮期間所有精華汁液滴晒落下面個粥底，最後食埋個吸盡海鮮精華嘅粥，唔使落任何調味都已經超甜超綿滑，簡直係完美結尾！
成餐飯食完成個口都係天然鮮味，完全冇口渴感覺，證明真係零味精！雖然價錢唔算平，但係海鮮質素同服務都值回票價，絕對會再encore！
