台蔡滷肉飯

營業中

休息中

上個禮拜六同老婆懶懶地，諗住求其喺鑽石山搵間鋪頭醫肚，點知撞正「台蔡滷肉飯」🍚。鋪頭細細哋，裝修簡單，牆身貼住啲台灣老街景海報，幾有地道feel。燈光偏黃，坐得幾舒服，唔會太光猛刺眼💡。午市時間人唔算多，兩公婆可以慢慢傾偈，唔使同人逼，正！涼拌蒜泥豬頸肉 + 小碗滷肉飯 ❤️❤️❤️❤️🤍豬頸肉切得薄身，蒜泥醬撈得勻勻哋，入口爽脆又惹味，唔會太鹹，啱晒送飯🍖。滷肉飯嘅肥瘦比例適中，醬汁甜甜哋，撈飯一流，不過碗真係幾細，男仔可能要加多碗先夠飽😆。蒜片香腸 ❤️❤️❤️❤️❤️呢個真心好食！香腸煎得香口，咬落去仲有少少脆皮，蒜片炸到金黃，夾埋一齊食，鹹香得嚟又帶啲蒜辣味🌭。老婆仲搶住食多幾塊，搞到我要再encore多一碟，哈哈！花雕麻油雞湯 + 小碗滷肉飯 ❤️❤️❤️🤍🤍湯底麻油味幾濃，飲落去暖笠笠，好啱呢排涼涼哋嘅天氣🍲。雞肉就正常發揮，唔算特別嫩，但勝在唔會鞋烚烚。不過花雕酒味唔算好出，如果再多啲酒香就perfect喇！