東京街日本料理 (昌鴻大廈)

營業中

休息中

最近晏晝食lunch已經見到呢間新開嘅壽司店，今日唔得閒出茶餐廳食堂食，趕住要買外賣就嚟咗幫襯，比預期之中有驚喜。叫左1個特選壽司餐（東京A)，有三文魚吞拿魚帶子北寄貝等大路壽司，仲有鱆紅同池魚。三文魚吞拿魚新鮮，厚度適中。北寄貝係原隻包住舊壽司，好吸引。而鱆紅同池魚等等白魚亦都處理得好好，食落新鮮。最後不得不提一下佢既賣相。雖然係外賣壽司，但師傅絕對無亂黎，放d魚放得好好，個外賣盤都好靚，不得不讚！