真‧章魚無雙 (已搬遷) 新店位置

章魚無雙自從開業以嚟一直佔據葵廣美食嘅龍頭，由朝到晚都大排長龍。此前都試過唔少次唔同口味嘅章魚燒，始終都係認為佢嘅黑松露口味最出色，亦都係日本街頭未必食到嘅口味。章魚燒要整得好食絕對唔容易，因為時間嘅控制十分重要，尤其是外面大排長龍嘅時候，有啲店鋪可能就會為咗接單而犧牲質素，令到章魚燒過淋，全無口感。而章魚無雙嘅黑松露章魚燒，除咗表面有少少脆口之餘，入面亦係好有咬口，唔會食到任何生麵粉嘅味道。章魚肉亦比平常大粒，但絕不會過熟硬唔開，可以話係剛剛好。最重要嘅就係出面嘅松露醬，份量十足之餘配合木魚絲，口感都係非常出色！味道 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️性價比 ⭐️⭐️⭐️⭐️