火箭餐廳

營業中

休息中

前幾日去咗迪士尼，參加萬聖節活動嘅同時，去咗火箭餐廳食萬聖節限定食品！叫咗個火雞雞腿套餐，火雞唔算乾，可以接受。蝦同帶子都好食夠爽口。不過其餘兩舊炸嘢都唔係好食得出係咩嚟⋯⋯一個表面落咗好多咖喱粉，食落雖然脆口但係比較硬。另一款個醬汁甜甜酸酸，不過個粉就比較厚，食落應該係雞肉嚟。最有驚喜就係杯青蘋果爆炸糖梳打，一送到嚟杯野霹靂啪喇咁幾盞鬼！店員都好貼心提醒要撈勻啲糖漿先好飲，炎炎夏日飲返杯梳打真係涼透心，都唔算係太甜嘅。Jack燈仲可以攞走，都算係有得食有得玩。整體而言，除咗杯嘢飲其他都麻麻地，對其他迪士尼餐廳冇興趣嘅話都可以試吓。