The Pearl

放工諗住搵間餐廳chill 下，上到去，原來有搞Halloween 主題，都幾有氣氛。d野食都唔錯，花果帕馬火腿沙律，啲火腿幾香脆同多汁，同巴馬臣芝士嘅搭配，係幾好食。沙律醬汁帶點黑醋橄欖油嘅風味，清新怡人。吞拿魚牛油果泡沫他他，牛油果嘅濃郁滑順同吞拿魚嘅鮮甜，好新鮮，再配合自製羅勒油，帶出一種獨特嘅鮮甜味。和風醬油大蝦煙肉扁意粉，大蝦好鮮嫩同彈牙，煙肉嘅香氣滲透其中，意粉入味彈牙。牛風門柳香嫩多汁，外脆內嫩，每一啖咬落去都能感受到肉汁既鮮美。