影片
更多
2022-12-06
46 瀏覽
一家人行完街，去左登龍街覓食，係鵝頸橋一入街口，就見到呢間充滿霓虹色彩嘅餐廳全晚點左7道菜+1人1湯羹+特色雞尾酒，當中唔少都幾有台灣特色同風味金杯蟹粉海鮮羹：好足料，有帶子、蝦、蟹肉、蟹粉同素翅，煲起黎唔會腥，啖啖肉臭豆腐：台灣臭豆腐，唔止味臭，食落入面嘅汁都有股臭味，我地兩個後生食唔慣，但兩位老人家話咁先係台灣正宗風味😂白滷水九孔鮑魚：白滷水本身比較淡味，但鮑魚醃製得非常入味，鮑魚底下亦墊着一塊滷得入味的魚餅，兩者都好易咬，有驚喜例牌鵝片：鵝肉軟嫩、juicy，配菜的芽菜、蘿蔔同豆腐都好食蟹肉帶子蛋白泡泡脆米金湯：係一場美麗嘅誤會，我以為係好似西施泡飯嘅嗰種湯飯，自己諗多左😂其實佢係偏向湯多d，上面嘅蛋白泡泡好特別，有d似梳乎厘，下面嘅其實係南瓜湯，有唔少蟹肉、帶子，帶有少少脆米日本煎帶子蘆筍：蘆筍無渣，明顯有將外邊粗糙嘅皮刨去！帶子大大隻，煎得好香，好惹味全晚最愛：紅槽文旦蔭樹蒸深海大花尾龍躉紅槽同文旦蔭樹都係平日少見嘅調味，蒸起來有一股柚子似嘅香氣，龍躉本身十分肥美，魚皮也充滿着厚厚的膠質，配搭起來又好清新，墊底嘅蓮藕吸收晒魚汁，連d蓮藕都俾我地清埋碟八子炒飯：隻蝦超大隻，侍應
全晚點左7道菜+1人1湯羹+特色雞尾酒，當中唔少都幾有台灣特色同風味
金杯蟹粉海鮮羹：好足料，有帶子、蝦、蟹肉、蟹粉同素翅，煲起黎唔會腥，啖啖肉
臭豆腐：台灣臭豆腐，唔止味臭，食落入面嘅汁都有股臭味，我地兩個後生食唔慣，但兩位老人家話咁先係台灣正宗風味😂
白滷水九孔鮑魚：白滷水本身比較淡味，但鮑魚醃製得非常入味，鮑魚底下亦墊着一塊滷得入味的魚餅，兩者都好易咬，有驚喜
例牌鵝片：鵝肉軟嫩、juicy，配菜的芽菜、蘿蔔同豆腐都好食
蟹肉帶子蛋白泡泡脆米金湯：係一場美麗嘅誤會，我以為係好似西施泡飯嘅嗰種湯飯，自己諗多左😂其實佢係偏向湯多d，上面嘅蛋白泡泡好特別，有d似梳乎厘，下面嘅其實係南瓜湯，有唔少蟹肉、帶子，帶有少少脆米
日本煎帶子蘆筍：蘆筍無渣，明顯有將外邊粗糙嘅皮刨去！帶子大大隻，煎得好香，好惹味
全晚最愛：紅槽文旦蔭樹蒸深海大花尾龍躉
紅槽同文旦蔭樹都係平日少見嘅調味，蒸起來有一股柚子似嘅香氣，龍躉本身十分肥美，魚皮也充滿着厚厚的膠質，配搭起來又好清新，墊底嘅蓮藕吸收晒魚汁，連d蓮藕都俾我地清埋碟
八子炒飯：隻蝦超大隻，侍應有另外提供刀、叉、碟俾我地解剖佢。炒飯炒得乾身，配有帶子、蟹子、肉鬆等飯料。本身見佢細細碟，分起黎都有4大碗
點少得甜品！其中一個我地叫左鮮奶桃膠湯丸，桃膠嘅腍軟度煮得剛剛好，鮮奶表面有少少玫瑰花碎同桂花，多左一份幽香，視覺上即刻升左一個層次
另外見呢杯氣球小女孩幾得意，又叫左杯試下！侍應會係客人面前整個小氣球，感覺幾得意。雖然有Gin酒，但果味好重，女仔飲都好易入口！
總括而言，環境充滿玩味，菜式也有一定水準同自己嘅特色，家中兩老亦十分滿意😊（至緊要係呢樣😂）
張貼
