沙拉姆咖喱屋

營業中

休息中

呢間印度菜真係正，今晚叫咗三個餸，三個都好食，當中我自己最鍾意嘅就係菠菜蓉燴印度芝士，呢個餸係大廚推介我地試嘅，果然冇介紹錯。好明顯綠色嗰啲就係菠菜蓉啦，入邊有啲印度芝士粒，同平時啲芝士好唔同嘅，有少少煙人同埋個口感有少少似上海烤麩，撈埋之後感覺都幾清新，點印度薄餅最正。呢度我嘅印度薄餅都唔錯，即叫即做。呢個印度牛油咖喱雞都好味道，印象中好似第一次食到唔辣嘅咖喱，好多香料好好食。呢個印度無骨烤魚味道都唔錯，有炭燒嘅香味，又唔會燒到好乾。我哋仲試咗呢個印度芒果奶昔，味道都OK，係甜咗少少。