影片
更多
2021-09-17
86 瀏覽
今日去咗大館影相打卡，夜晚阿媽喺附近搜尋到呢一間中菜館，難得佢想食就梗係要帶佢上去～菜式好多種類，經過職員介紹之後就揀咗以下幾款嚟品嚐一下。杏汁豬肺湯奶白色既湯煲得非常滋補，杏汁好香，仲有粒粒杏籽有啲咬口，豬肺清洗乾淨，冇任何腥臭味。湯底既渣料好多，明顯真材實料。流浮山三寶蒸魚斑球賣相好吸引，仲鮮味十足。三寶有：蝦乾、白飯魚仔同鮮魷，三樣都係帶有天然既鹹香感，配上清蒸魚塊，整個調味相當得宜，特別欣賞佢有好多薑絲而且連魚鱗都起得非常乾淨～豉油王虎蝦煎蝦米腸呢碟餸出嚟配搭幾特別，豉油王夠晒色水，虎蝦大隻爽口，豉油亦無有蓋過蝦嘅鮮味。蝦米腸墊底，索有少少油但依然香口惹味。薑蔥鮑魚掌翼煲原隻鮑魚上枱，薑蔥芹菜爆得好香，而且好夠乾身，加左足夠辣椒同花椒，令菜式好滋味。龍哥招牌炒飯果然係招牌！飯粒分明，粒粒乾身而有光澤，夠哂鑊氣。配料有：叉燒、松子仁、蝦、菇菌，每款都切成前粒狀，方便進食之餘，仲可以炒得更入味。鍋貼金蠔超香嘅鹹蛋黃味，煎得金黃唔油膩，蠔味好鮮有肉感，平時以為金蠔係拎去煲湯，原來煎起上嚟都非常香口！口感加咗啲墨魚膠，爽口彈牙！伯爵茶奶凍係突如其來嘅西式甜品，味道唔算好甜，食到茶味不過
菜式好多種類，經過職員介紹之後就揀咗以下幾款嚟品嚐一下。
杏汁豬肺湯
奶白色既湯煲得非常滋補，杏汁好香，仲有粒粒杏籽有啲咬口，豬肺清洗乾淨，冇任何腥臭味。湯底既渣料好多，明顯真材實料。
流浮山三寶蒸魚斑球
賣相好吸引，仲鮮味十足。三寶有：蝦乾、白飯魚仔同鮮魷，三樣都係帶有天然既鹹香感，配上清蒸魚塊，整個調味相當得宜，特別欣賞佢有好多薑絲而且連魚鱗都起得非常乾淨～
豉油王虎蝦煎蝦米腸
呢碟餸出嚟配搭幾特別，豉油王夠晒色水，虎蝦大隻爽口，豉油亦無有蓋過蝦嘅鮮味。蝦米腸墊底，索有少少油但依然香口惹味。
薑蔥鮑魚掌翼煲
原隻鮑魚上枱，薑蔥芹菜爆得好香，而且好夠乾身，加左足夠辣椒同花椒，令菜式好滋味。
龍哥招牌炒飯
果然係招牌！飯粒分明，粒粒乾身而有光澤，夠哂鑊氣。配料有：叉燒、松子仁、蝦、菇菌，每款都切成前粒狀，方便進食之餘，仲可以炒得更入味。
鍋貼金蠔
超香嘅鹹蛋黃味，煎得金黃唔油膩，蠔味好鮮有肉感，平時以為金蠔係拎去煲湯，原來煎起上嚟都非常香口！口感加咗啲墨魚膠，爽口彈牙！
伯爵茶奶凍
係突如其來嘅西式甜品，味道唔算好甜，食到茶味不過唔算好出，但用嚟中和一下以上菜式嘅油膩都十分合適。
冰凝小企鵝
企鵝的確可愛，而且10分袖珍，裏面藏有陳皮紅豆蓉餡料，食落陳皮餘韻好重，豆蓉夠綿滑，只係略嫌包皮有點過厚。
👍🏻👍🏻菜式嘅口味老少咸宜，好多上咗年紀嘅都喺度慶祝生日！！！
💡餐廳冷氣比較凍，大家記住帶件外套～
張貼
