陳儀興尚潮樓 (英皇道)

營業中

休息中

係鰂魚涌見客食晚飯前，順便响怪獸大廈打個卡，出嚟過馬路就到地方嚕。客人話呢度有間潮州嘢幾出色，咁就一於佢啦，店內裝潢感覺古雅。坐定定後有功夫茶及沙咸菜奉客經過櫥窗見到滷水鵝想著定要叫 一款嚟食。沙咸菜爽脆開胃兩個人叫咗小食、湯、鵝三寶、手工菜、仲有兩碗粥。海蜇頭比較厚身，口感爽脆有咬口，好味。鵝三寶有鵝件、鵝肝、同埋鵝腸，鵝腸爽脆肥美，鵝肝甘美豐腴，鵝件肉質軟嫩入味，點埋醋汁開胃又好食。荷包鱔係手工菜賣相有趣，用菜包住白鱔、火腿、香菇，再以菜絲紮成四方荷包狀，令肥美嘅鱔肉更香鮮味美。花蛤湯裏面有鹹菜、胡椒粒、香菜，大大隻花蛤肥美鮮甜，鹹菜好爽口又唔太鹹，湯水鮮味順喉，胡椒味幾出，飲完感覺暖暖的，乍暖還寒天氣最啱飲。清香嘅潮州白粥正好為這一餐完美作結。