Mata Japanese Cuisine

營業中

休息中

Mata Japanese 係一間位於商場內好chill嘅日式居酒屋。由於店舖唔大，店員同客人都可以有良好嘅互動，感覺好親切～佐酒菜好的骰，送酒一流～今次試咗以下幾款食物：1️⃣味噌煮牛舌⭐️⭐️⭐️⭐️牛舌用味噌湯熬製超過3小時，非常入味，肉質口感一流，十分彈牙，鎖住肉汁喺入面，唔會有種好乾嘅感覺～2️⃣雞屁屁⭐️⭐️⭐️雞蘿柚經過油炸香後唔會有種腥嘅感覺，又香脆又惹味，又唔會太油膩，彷彿一串好似眨吓眼就食曬咁，好想再食多幾串～3️⃣豬油渣撈飯⭐️⭐️⭐️豬油渣非常香，有種豬油嘅香味送飯食到欲罷不能～而且飯比較飽肚，肚餓嘅話可以嗌一客作為主食😋餐廳最出色係酒，手工啤係德國牌子，喺香港設廠釀製所以格外新鮮！另一壺荔枝味cocktail 顏色好靚，都有十幾percent 酒精，但飲落好甜無乜酒嘅嗆味，好易入口～最後加埋一個甜品，酥餅好鬆化入口即融，材料直接由日本進口係唔同啲！推介大家去到荔枝角想搵個地方坐下傾下計不妨一試～