猛男廚房

營業中

休息中

晚市提供意粉、意式蕃茄濃湯和漢堡套餐及多款猛男小食，價錢由二十多元至六十多元左右，相當經濟實惠。意粉套餐跟餐湯和沙律忌廉湯：個湯好濃稠，加左塊脆脆餅乾，倍添滋味。沙律：青瓜新鮮，入口爽脆，配千島醬汁，清新既前菜。蒜片香草白酒香辣蜆肉扁意粉：擺盤顏色繽紛，鮮艷誘人，拌有乾蒜、香草、蕃茄，蜆肉數目都多，鮮甜夠juicy，扁意粉爽口入味，平均沾滿醬汁，帶白酒芳香，整體味道有豐富層次。漢堡套餐配薯條特長八吋美式芝士蕃茄熱狗：熱狗包總長八吋，烘到軟綿綿，包裡面有德國肉腸、椰菜絲、蕃茄、芝士，配上甜酸番茄醬和惹味芥辣醬，份量十足，重量級美食。薯條炸得香脆又唔會太油膩，作爲小食一流。總結，所有食物即叫即整，味道好，店主細心有禮，值得支持。