老荔冰室

營業中

休息中

久不久都會去荔枝角老荔冰室。每次都要喺霓虹光管門口戲棚同喺店內龍鳳牆打卡，吸吓啲「老香港味」。麻麻地豬扒酸辣米線餐+ 厚切餐肉（自選酸辣湯/ 麻辣湯底）酸辣米線揀咗酸辣湯，夠酸爽又唔太辣，厚切餐肉同麻麻地豬扒好juicy，份量十足！配杯凍龍鳳檸樂，清新解膩，超爽！加餸叫多隻生炸雞脾。雞髀炸到金黃香脆，肉質嫩滑，少少孜然粉提味，更加開胃嘢味。滑蛋沙嗲牛肉飯牛肉好香濃，滑蛋軟綿綿，牛肉沙嗲味好惹味，飯粒粒分明。老荔出名沙嗲牛，份量大，味道甜甜地帶少少麻辣味，仲有粗粒花生碎，所以特別有咬口。忍唔住要食埋沙嗲牛肉西多士。真係超驚喜，多士外脆內軟，一切開牛肉喺西多入面爆出嚟，一股沙嗲牛肉香味馬上湧上嚟，同西多超夾。大力推介老荔嘅熱香餅漢堡。餐蛋同沙嗲牛都一樣正。全部即叫即做，所以蛋香特別濃郁。今晚太飽食唔落，朋友已經講定下次嚟一定會再食。呢度店員都好親切，次次都會提我哋留意杯碟底隱藏神秘金句同謎語，大家都唔好錯過。