影片
更多
2024-10-28
970 瀏覽
荃灣大壩街不嬲都好多野食，今次經過見到呢間餐廳係未見過既，就入去試下啦！原來入面係食台灣菜既，主打麵類🤤🤤不過湯麵就唔係好多款選擇，有紅酸湯(餐廳獨創)、沙茶湯同蕃茄濃湯。既然紅酸湯係餐廳獨創咁就緊係要試一試下佢啦！我同朋友就分別叫左紅酸湯魚片台南扁粉同醬滷豬軟骨沙茶米線，跟住仲加左一份台南鹽酥雞。等左5-10分鐘左右紅酸湯魚片台南扁粉就率先上菜，唔知點解覺得呢個金色碗好有韓式既感覺🤣🤣試左啖湯先，少少酸少少辣，但味道十分融洽且柔和，唔會有任何一邊搶風頭，飲飲下仲非常之開胃添，蕃茄味亦唔會太突出，所以唔食蕃茄湯底的人都可以一試。魚片肉質細膩而富有彈性，食左幾舊都冇細刺，可以安心食用🤣👍🏻除左魚片之外都有其他配料係入面，例如旺菜絲、野菌菇，十分豐富。台南扁粉雖然望落去好似河粉，但食落去都有啲唔同，係香港食開既河粉一夾就好易碎較滑嫩，而台南扁粉就比較爽口彈牙，好食💯跟住到醬滷豬軟骨沙茶米線，豬軟骨超～大舊，而且食落去肉質鮮嫩，入口即化，每一啖都食到豐富既肉汁，令人感到十分滿足同幸福！沙茶湯十分之鮮甜，飲落去有少少辣辣地既味道，都是不錯的。最後就到台南鹽酥雞，熱辣辣大大份好抵食🉐食落去外皮酥
原來入面係食台灣菜既，主打麵類🤤🤤不過湯麵就唔係好多款選擇，有紅酸湯(餐廳獨創)、沙茶湯同蕃茄濃湯。
既然紅酸湯係餐廳獨創咁就緊係要試一試下佢啦！我同朋友就分別叫左紅酸湯魚片台南扁粉同醬滷豬軟骨沙茶米線，跟住仲加左一份台南鹽酥雞。
等左5-10分鐘左右紅酸湯魚片台南扁粉就率先上菜，唔知點解覺得呢個金色碗好有韓式既感覺🤣🤣
紅酸湯魚片台南扁粉
$52
57 瀏覽
0 讚好
0 留言
試左啖湯先，少少酸少少辣，但味道十分融洽且柔和，唔會有任何一邊搶風頭，飲飲下仲非常之開胃添，蕃茄味亦唔會太突出，所以唔食蕃茄湯底的人都可以一試。魚片肉質細膩而富有彈性，食左幾舊都冇細刺，可以安心食用🤣👍🏻
除左魚片之外都有其他配料係入面，例如旺菜絲、野菌菇，十分豐富。
台南扁粉雖然望落去好似河粉，但食落去都有啲唔同，係香港食開既河粉一夾就好易碎較滑嫩，而台南扁粉就比較爽口彈牙，好食💯
醬滷豬軟骨沙茶麵
$52
33 瀏覽
0 讚好
0 留言
跟住到醬滷豬軟骨沙茶米線，豬軟骨超～大舊，而且食落去肉質鮮嫩，入口即化，每一啖都食到豐富既肉汁，令人感到十分滿足同幸福！沙茶湯十分之鮮甜，飲落去有少少辣辣地既味道，都是不錯的。
台南鹽酥雞
$42
32 瀏覽
0 讚好
0 留言
最後就到台南鹽酥雞，熱辣辣大大份好抵食🉐食落去外皮酥脆內裡嫩滑，如果有醬配搭可能會更加出色！
整體黎講食物質素都幾好，同埋職員都好有禮貌，環境都舒適，下次會再黎食！
張貼
