劉興記生煎包專門店

營業中

休息中

呢間開係排晒隊糯米糍的民豐旁邊的生煎包人氣小店，上次食完之後對佢嘅菜飯同酸辣湯念念不忘。今日帶埋朋友過嚟一齊食。點咗兩隻招牌生煎包$20 ，咬開入面真係超多湯汁。上海排骨菜飯$42上次食完呢個排骨菜飯真係好難忘，炸到金黃酥脆之外，而且係薄切一啖一舊，今次係變咗厚切，賣相好似炸豬扒咁，食落依然好酥脆，而且好夠味，不過個人都係鍾意薄切。雞絲酸辣湯$30呢個係我最喜愛嘅菜式之一，味道唔會太辣，重點係好足料又大碗，有好多冬菇、豆腐、木耳、筍同雞絲等等。鮮雞湯小零吞（12粒）$30小雲吞細細粒，但係食到鮮甜嘅肉味，入口嫩滑。麻醬手撕雞絲粉皮$35呢個份量都幾多，無論係雞絲、粉皮、抑或麻醬嘅份量一啲都不吝嗇。配埋青瓜絲撈埋一齊食，真係啱晒夏天食嘅開胃菜。