影片
更多
2023-09-19
773 瀏覽
由於朋友好鍾意食burger 所以佢成日捐窿捐罅搵啲抵食嘅餐廳嚟試😉 呢日過嚟荃灣搵佢食lunch 佢帶咗我嚟食呢間大件夾抵食嘅漢堡包店😙 一至五有學生優惠仲每個餐減$10添啊澳洲和牛漢堡呢個和牛漢堡要額外加錢 但係絕對物超所值 和牛漢堡厚實又Juicy 牛味濃郁得來又唔覺得好肥膩🐮 呢個質素再配呢個價錢真係好抵食 我同朋友已經講定下次要再嚟食啦😂 和牛漢堡入面除咗有burger醬 蕃茄 生菜 芝士之外 仲有特製嘅炒洋蔥🧅手打安格斯牛漢堡另一個牛肉漢堡價錢更加相宜 但係質素絕對都唔差㗎 安格斯牛肉漢堡嘅牛味都相當出眾🍔 牛肉漢堡厚身 仲幾有口感 入面同樣有番茄 生菜 同埋芝士🧀 食完已經覺得好豐富薯格全日套餐額外加$3就有個脆薯格 薯格每片都大大片 而且份量好多 食落口有少少辣辣地幾惹味🥔自家製沙律如果想食得健康啲可以嗌呢份沙律🥗 入面都有幾款唔同嘅蔬菜 面頭仲有啲蜜糖芥末沙律醬 撈勻一齊食味道幾好 不過略嫌店員重手咗少少 多咗少少醬😂飲品有幾款罐裝飲品可以選擇 亦可以加錢轉咖啡☕️ 我哋就揀咗烏龍茶同埋食burger最想飲嘅汽水 有原味或者Zero可樂揀🥤檸檬胡椒雞翼除咗burger之
由於朋友好鍾意食burger 所以佢成日捐窿捐罅搵啲抵食嘅餐廳嚟試😉 呢日過嚟荃灣搵佢食lunch 佢帶咗我嚟食呢間大件夾抵食嘅漢堡包店😙 一至五有學生優惠仲每個餐減$10添啊
澳洲和牛漢堡
呢個和牛漢堡要額外加錢 但係絕對物超所值 和牛漢堡厚實又Juicy 牛味濃郁得來又唔覺得好肥膩🐮 呢個質素再配呢個價錢真係好抵食 我同朋友已經講定下次要再嚟食啦😂 和牛漢堡入面除咗有burger醬 蕃茄 生菜 芝士之外 仲有特製嘅炒洋蔥🧅
手打安格斯牛漢堡
另一個牛肉漢堡價錢更加相宜 但係質素絕對都唔差㗎 安格斯牛肉漢堡嘅牛味都相當出眾🍔 牛肉漢堡厚身 仲幾有口感 入面同樣有番茄 生菜 同埋芝士🧀 食完已經覺得好豐富
薯格
全日套餐額外加$3就有個脆薯格 薯格每片都大大片 而且份量好多 食落口有少少辣辣地幾惹味🥔
自家製沙律
如果想食得健康啲可以嗌呢份沙律🥗 入面都有幾款唔同嘅蔬菜 面頭仲有啲蜜糖芥末沙律醬 撈勻一齊食味道幾好 不過略嫌店員重手咗少少 多咗少少醬😂
飲品
有幾款罐裝飲品可以選擇 亦可以加錢轉咖啡☕️ 我哋就揀咗烏龍茶同埋食burger最想飲嘅汽水 有原味或者Zero可樂揀🥤
檸檬胡椒雞翼
除咗burger之外 見到有雞翼都想食🐥 加埋一齊真係好滿足 雞翼每隻都好大隻 而且咬落口 仲幾多雞汁👍🏻 檸檬胡椒調味粉喺面頭味道幾新鮮 就算一個人食晒五隻都唔會太油膩
炸魚薯條配塔塔醬
朋友好想試呢度嘅炸魚柳 所以嗌埋呢份小食試吓🐟 有一大片炸魚柳喺度 炸粉唔算太厚 而且入面嘅魚肉仲好嫩滑 最吸引我嘅都係佢嘅炸薯條 係我好鍾意嘅粗薯條嚟㗎🍟
呢度嘅牛肉質素咁好 難怪外賣員同埋學生都絡繹不絕啦👍🏻 呢個又抵又美味嘅選擇 係真心想推介俾大家
張貼
