影片
更多
2022-10-12
1348 瀏覽
我同朋友都係10月生日，可以一齊諗下食咩做生日飯，揀左呢間位於荃灣既牛之鍋日式放題，餐廳最近更新左餐牌加入多款美食，超過200款日本料理、火鍋配料同甜品，2小時任飲任食好滿足，我同朋友揀左個中價位既B餐，有齊美國肥牛片、澳洲牛肩胛肉眼、美國封門柳牛肉、澳洲羊肩肉、特選豚肉、五香雞件可供選擇，仲要一人一鍋夠哂方便，可以揀兩款唔同既湯底打邊爐超正，我唔食辣就揀左椰香沙嗲，朋友食得辣就叫左重慶麻辣湯底🌶🌶🌶晚市2小時任飲任食放題 - B餐 ($248/person)🌟火鍋配料主打火鍋放題當然有好多火鍋配料啦，平時食龍蝦丸、蟹籽丸同海膽丸，粟米湯丸都係第一次見，食嗰陣小心爆汁，有淡淡既粟米湯味，另外必點蛋餃、餃子同麻辣鴨血，鴨血都係仼食，口感滑溜，朋友話配麻辣湯底好夾👍🏻👍🏻👍🏻🌟刺身先來一round刺身先，揀左三文魚、甜蝦、帆立貝、北寄貝，三文魚厚切，紋路好靚夠肥美，甜蝦新鮮唔會霉，貝類刺身好彈牙👍🏻👍🏻🌟壽司三文魚腩壽司好肥美，炙燒三文魚都好高質，仲有炙燒芝士大蝦都好好食，壽司飯份量好足一定飽肚💯🌟炸物全部炸物都係即叫即炸，推介墨魚餅，炸粉唔算好厚，墨魚餅仲有粒粒墨魚既口感，仲有天婦羅炸蝦
我同朋友都係10月生日，可以一齊諗下食咩做生日飯，揀左呢間位於荃灣既牛之鍋日式放題，餐廳最近更新左餐牌加入多款美食，超過200款日本料理、火鍋配料同甜品，2小時任飲任食好滿足，我同朋友揀左個中價位既B餐，有齊美國肥牛片、澳洲牛肩胛肉眼、美國封門柳牛肉、澳洲羊肩肉、特選豚肉、五香雞件可供選擇，仲要一人一鍋夠哂方便，可以揀兩款唔同既湯底打邊爐超正，我唔食辣就揀左椰香沙嗲，朋友食得辣就叫左重慶麻辣湯底🌶🌶🌶
晚市2小時任飲任食放題 - B餐 ($248/person)
🌟火鍋配料
主打火鍋放題當然有好多火鍋配料啦，平時食龍蝦丸、蟹籽丸同海膽丸，粟米湯丸都係第一次見，食嗰陣小心爆汁，有淡淡既粟米湯味，另外必點蛋餃、餃子同麻辣鴨血，鴨血都係仼食，口感滑溜，朋友話配麻辣湯底好夾👍🏻👍🏻👍🏻
🌟刺身
先來一round刺身先，揀左三文魚、甜蝦、帆立貝、北寄貝，三文魚厚切，紋路好靚夠肥美，甜蝦新鮮唔會霉，貝類刺身好彈牙👍🏻👍🏻
🌟壽司
三文魚腩壽司好肥美，炙燒三文魚都好高質，仲有炙燒芝士大蝦都好好食，壽司飯份量好足一定飽肚💯
🌟炸物
全部炸物都係即叫即炸，推介墨魚餅，炸粉唔算好厚，墨魚餅仲有粒粒墨魚既口感，仲有天婦羅炸蝦同番薯都好出色👍🏻👍🏻
🌟串燒
串燒方面都好多選擇，有燒菠蘿、雞軟骨、大蝦等等，大蝦爽口彈牙，燒菠蘿香甜多汁，估唔到串燒都咁高質☺️
🌟飲品
飲品方面就揀左佢地自家製既冷泡茶，我地就揀左玫瑰花茶同羅漢果茶，打邊爐配冷泡茶解膩一流💯
🌟甜品
一定要留肚食甜品！暫時食過咁多間最高質既甜品，有抹茶芭菲同榴槤芭菲，仲有綿綿冰、pancake、芋圓同榴槤甘露，朋友係榴槤控食到lam lam脷，榴槤甘露有啖啖榴槤肉、小丸子同西米，第一次見到放題可以仼食綿綿冰，而且份量剛剛好，可以有quota試多幾款，好豐富
張貼
