一鍋堂 (大鴻輝(荃灣)中心) (已搬遷) 新店位置

喺疫情之下同朋友兩個人去咗荃灣打邊爐。午市做火鍋放題，咁我哋就入去然後揀湯底坐低。店內環境好舒服我哋坐卡位朋友點咗嗰養生藥膳湯底，唔錯唔錯～比較養生健康，佢哋話頭一陣可以飲嘅～於是我都飲咗一碗。同埋呢度嘅湯底選擇非常多～飲品方面仲有冰糖燉檸檬夠吸引，飲落唔會太甜，唔係剩係得罐裝飲品衛生方面都做得好好，自取食物分開一格格，有前菜同丸。前菜麻辣豬耳泡椒鳳爪都好好食牛肉我哋揀咗安格斯牛肉主打，呢度仲有封門柳可以食牛肉整體好食！有牛味同埋入口好嫰。另外火鍋食物選擇都有好多～性價比好高