漁樂場

營業中

休息中

今日去荃灣食飯，又搵下荃灣大鴻輝仲有咩好食，就見到漁樂場係食烤魚，於是就去試下 。散叫左唔同菜式，每樣都想食 。羊肉串（2串）$30店員好細心，上枱前已經整定個熱pan，等上串燒既時候都仲暖住d 食物 。羊肉串有羊味，帶少少臊，但可以接受 。串燒乾身同好入味，非常不錯 。燒大茄子🍆$38茄子原隻開半燒，再鋪滿滿滿炸蒜同辣椒，茄子已經燒到軟淋，加埋炸蒜超級惹味港滷大澳墨魚頭🐙$68呢個超正👍🏻絕對係街頭小食no. 1 。墨魚頭同觸鬚爽口，加埋甜醬同芥末一齊食，甜甜地又帶少少辛辣，餐前小食必點。如果黎飲酒吹水，呢個都一定要叫，好岩送酒 。招牌香辣烤魚$288份量超大盤，一整條魚 。整盤都滿滿辣椒，食落都還可以未算好辣，但慢慢食到尾段麻辣味都好出 。魚肉厚身嫩滑，而且少骨，食落啖啖肉好開心 。入邊仲有少量蔬菜🥬，例如萵筍、蓮藕、冬菇同超粗大豆芽 。另外都叫左2杯飲品，呢度唔單只有酒飲，唔飲酒既都有熱飲添架，下火明目金銀花菊花枸杞茶$58 。我都叫左杯鬼佬涼茶Stella ($68/500ml）漁樂場定期都有唔同註場歌手表演 🎤氣氛一流，佈置好有歌舞劇feel，環境舒適，又有live musi