愛家素食 (淘大商場) (已結業)

呢間素食店喺淘大屹立多年，健康得嚟味道都唔錯。.每間分店嘅菜式都好唔同，而九龍灣店則以中式素食為主。每份餐都有附送餐湯，是日餐湯係南瓜湯🎃。因為係純素嘅關係，質地冇蛋奶湯咁滑，不過食到唔少南瓜碎，味道都好香甜。我幾欣賞佢哋嘅配菜有足夠調味，椰菜同白蘿蔔味道唔會青。🥢滷東坡肉飯 $49素東坡肉口感比起豆腐緊實，有少少彈牙似魚腐。呢款仲有紅腰豆做配菜，清甜好味。🥢脆皮炸腐皮扒飯 $57炸腐皮香脆唔油膩，加上醬汁更惹味。