就是偏偏喜歡你 (已搬遷) 新店位置

最近同朋友去左一間位於銅鑼灣百樂中心嘅Cafe，餐廳佈置由一位有多年經驗嘅花藝師主理，所以環境一定唔會差。餐廳設有好多個打卡位，而且定期更新，每次來都可以感受到新鮮感！特別要提一提嘅係佢哋特色嘅人名花牆，你可以透過網上投票或者包場設定，仲可以指定坐位架！真係好適合慶祝活動啦，你地可以同班朋友、親人一齊嚟度度過一個難忘嘅時刻。講完環境，就講番食物。我地由於唔太肚餓，點左一份意式香草烤春雞，一聞到香草嘅味道，我就忍唔住流口水啦！另外套餐仲配餐湯。然後仲點佐明太子雞翼，呢款雞翼好特別, 將明太子釀佐落雞翼到，一啖就可以感受到濃郁嘅海鮮味同雞翼味。飲品方面，跟餐嘅話，可以減$10。我地叫左凍檸檬茶同埋黃昏桃桃梳打。黃昏桃桃梳打就好有特色，鐘意酸酸甜甜嘅口感，可以一試。餐廳另一樣特點就係，佢哋嘅店寵，一隻叫「相相」嘅兔仔啦，好得意，唔怕人。你可以摸佢同埋影相，但記得唔好抱起佢，因為會嚇親相相。