漁火海鮮刺身火鍋

營業中

休息中

銅鑼灣駱克道京都廣場有間打邊爐《漁火》真係幾鬼正。首先係坐位卡位寬闊，坐得好，食自然食得舒服。佢既自家製竹蔗茅根夠清，不太甜，好啱飲👍🏻。小食泰式生蝦夠新鮮，蝦肉夠實淨，再配甜酸汁好醒胃🤤。湯底方面竟然係用燉湯，這個花膠燉響螺真係真材實料，花膠又大塊，湯入晒味，未打邊爐已飲左幾碗湯了。啱啱炸起即上枱的響鈴，金黃色脆卜卜，焯2秒要起啦😋。這個蟶子王，好長好大好多肉，焯12秒就岩岩好離殼，恰到好處，材料好新鮮☺️。大花甲，睇到佢仲郁，正呀！焯到開口就食夠甜，無沙好乾淨👍🏻。再來有四式丸（手打墨魚丸、咸蛋豬肉丸、手打牛筋丸、鮮蝦丸）全部都新鮮製造，特別好食，尤其係咸蛋豬肉丸最有印象👍🏻👍🏻。打邊爐當然唔少得手切牛頸脊，睇個肉好鮮嫩，牛味幾濃☺️我要開動了🙏🏻🙏🏻。最後點左一個蔬菜拼盤，砌得都幾靚，菜好鮮🫰🏻。非常之有水準的一餐火鍋晚餐👍🏻👍🏻👍🏻。