賞島咖啡屋

營業中

休息中

今日趁lunch break去花墟附近買花同埋食個靚lunch，經過呢間賞島咖啡屋，見到個名好文青，同埋佢個set lunch都幾吸引，唔使擇日即刻入去試吓先。我揀咗餐廳招牌嘅蒜油蜆肉花椒意大利麵，而我個土豪同事就叫咗西京燒比目魚，另外有得揀沙律或者湯，我哋兩個都揀咗餐湯蕃茄湯，嘢飲就叫咗一杯柚子梳打同埋熱情果梳打。蒜油蜆肉花椒意大利麵聞落去好香，食落有少少辣好惹味，蜆都幾新鮮完全冇沙，蜆肉同啲拉麵嘅比例亦都合適。平時我都有食開辣，所以呢個我會形容係有少少辣味但係接受到嘅。我試咗朋友嗰份西京燒比目魚一啖，肉質嫩滑，食得出有孜然粉同其他日式嘅醬汁，幾好食。另外，伴碟嘅自家製薯蓉有驚艷到我，少少調味但係食落又好健康嘅感覺。