三鍋

營業中

休息中

家姐生日，佢係邊爐怪加芫荽控，在網上搜尋後，見到灣仔有間叫三鍋嘅火鍋店，有幾多人講佢哋嘅芫荽湯底唔錯，又近我公司，所以就同佢試依間。極品本地手切肥牛$288手切肥牛太厚太薄都會影響口感，但這裏的切得剛剛好，油花平均，色澤紅潤，沒有呈粉紅色或瘀紅色，食落重牛肉味，有咬口，有質感，每口都帶油香，見家姐都食得好滿足。佢依度有好多手工丸，最特別嘅係手工梅菜豚肉丸同手工松露墨魚丸，但係家姐揀左芝士蝦丸$98，蝦丸.異常爽口，咬落有質感，裏面的芝士香濃。台式鴨血$68有好多配料都想食，例如爽滑魚肚同老友鬼鬼，但家姐選左台式鴨血$68，佢話好耐無食，而且鐵質高，依個鴨血好入味，而且每件都好厚，大家食得好過㽼，原來鴨血都襯芫荽湯底，唔係只襯麻辣湯底㗎！依度坐得幾舒服，我哋坐左兩個幾鐘，都無人催我哋交枱，我哋話電視聲浪大，侍應就第一時間調静音，家姐問一句有冇白飯，佢竟然叫厨房立刻煮，我哋覺得好窩心，同埋個芫荽湯底果然好正，響出面火鍋店，未見過咁夠份量呢！仲有足夠嘅皮蛋，而且有啲豬骨味，感覺有啲骨膠原。