影片
更多
2023-05-19
238 瀏覽
💁♀️💁♂️ 10/5/2023(Wed), Dinner🍽💁♀️為食妙妙公司附近既魚事者新入選今年既米之蓮推介餐廳，呢間餐廳🍴以食魚麵或者魚類製品為主，魚麵方面可以揀湯麵或者撈麵🍜，其他魚類製品都幾有創意，食物質素又高，難怪今次入選米芝蓮推介❤。而今晚我地order咗：🔆 芫荽🌿控之選（$54）芫荽🌿⋯⋯全碗都係芫荽🌿！包括有芫荽魚湯底既芫荽魚麵配芫荽韭菜魚皮餃子及芫荽山！自問係芫荽控先好選擇，而有選擇困難症但又係芫荽控既我地，呢個就係不二之選👍🏻。湯底魚湯味濃，加上芫荽既香味，單飲湯底已經不錯；芫荽魚麵係餐廳誠意之作，喺魚麵入面加入芫荽蓉，令到魚麵本身都有芫荽既味道，唔係就咁俾一般魚麵了事；芫荽韭菜魚皮餃子比一般魚皮餃大隻，餃皮帶點煙韌，內裏的芫荽同韭菜令魚皮餃食起嚟十分香口。🔆 泰式．蝦頭油炸蝦球魚麵撈（$72）上枱時蝦油既香氣撲鼻，除咗魚麵之外仲有幾粒蝦丸同蝦卷，上面再灑上櫻花蝦，配搭一片青檸，充滿住泰式風情。魚麵入口十分彈牙，混合蝦頭油之後，蝦🦐既香氣十足。呢碟用上既就魚麵同之前既芫荽魚麵唔同，今次就係無芫荽既版本。炸蝦丸同蝦卷炸得香口，連同少少沙律醬食落彈牙有蝦味。🔆 炸魚
💁♀️💁♂️ 10/5/2023(Wed), Dinner🍽
💁♀️為食妙妙公司附近既魚事者新入選今年既米之蓮推介餐廳，呢間餐廳🍴以食魚麵或者魚類製品為主，魚麵方面可以揀湯麵或者撈麵🍜，其他魚類製品都幾有創意，食物質素又高，難怪今次入選米芝蓮推介❤。
而今晚我地order咗：
🔆 芫荽🌿控之選（$54）
芫荽🌿⋯⋯全碗都係芫荽🌿！包括有芫荽魚湯底既芫荽魚麵配芫荽韭菜魚皮餃子及芫荽山！自問係芫荽控先好選擇，而有選擇困難症但又係芫荽控既我地，呢個就係不二之選👍🏻。
湯底魚湯味濃，加上芫荽既香味，單飲湯底已經不錯；芫荽魚麵係餐廳誠意之作，喺魚麵入面加入芫荽蓉，令到魚麵本身都有芫荽既味道，唔係就咁俾一般魚麵了事；芫荽韭菜魚皮餃子比一般魚皮餃大隻，餃皮帶點煙韌，內裏的芫荽同韭菜令魚皮餃食起嚟十分香口。
🔆 泰式．蝦頭油炸蝦球魚麵撈（$72）
上枱時蝦油既香氣撲鼻，除咗魚麵之外仲有幾粒蝦丸同蝦卷，上面再灑上櫻花蝦，配搭一片青檸，充滿住泰式風情。魚麵入口十分彈牙，混合蝦頭油之後，蝦🦐既香氣十足。呢碟用上既就魚麵同之前既芫荽魚麵唔同，今次就係無芫荽既版本。炸蝦丸同蝦卷炸得香口，連同少少沙律醬食落彈牙有蝦味。
🔆 炸魚無薯條（配蟹皇醬）（$28）
外表同一般炸薯條🍟無分別，但其實呢碟真係唔係薯條嚟既，佢既真身係切成條狀既炸魚肉。雖然外表玩味十足，但食落香口好食又有魚味，就咁食本身都已經好夠味。伴碟可以選擇松露醬、蟹皇醬、雙子醬或者山椒醬，我地選既蟹皇醬帶橙黃色，用“薯條”點嚟食之後入口加多點蟹既味道，味道上加多點層次。
🔆 魚湯翡翠苗（$18）
翠綠既翡翠苗浸住鮮甜既魚湯上枱，入口清新又有魚湯既鮮甜味，補充纖維素既不二之選。
🔆 Fish-chos •扮墨西哥魚皮（$33）
顧名思義就係用魚皮去扮墨西哥🇲🇽粟米脆片nachos，所以就叫做fish-chos。炸魚皮上面再加上一般nachos既配料：肉醬、牛油果🥑醬、蕃茄🍅、芝士🧀、紫洋蔥🧅等。食落魚皮香脆，比起原來既粟米脆片又係另一種感覺，好有驚喜。不過記得要趁熱同埋盡快食，否則上面既醬料會影響到魚皮香脆既口感。
🔆 芫荽燒賣 4粒 （跟豉油辣油）（跟餐+$11）
芫荽味唔算太重，彈牙既魚肉燒賣混入芫荽碎，令到燒賣多咗一陣芫荽香，個豉油辣油都唔好錯過，食落辣得嚟又夠香口。
🔆 凍檸茶（跟餐+$9）
味道清新，入口茶味同檸檬🍋味都平衡得好好。
🔆 本地少爺手工啤（跟餐+$38）
本地手工啤酒廠既少爺手工啤，新鮮喺香港🇭🇰釀製，入口清爽順喉。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：9/🔟
❤🙆♀️(為食妙妙)整體食評：9.5/🔟
👉🏻 餐廳岩岩得到今年既米芝蓮推介，食物質素高，價錢抵食又有創意💡
A先生車友指數 🚗
🛣️ 交通容易指數：🚗🚗🚗🚗(4/5)
🅿️ 泊車容易指數：🚗🚗🚗🚗(4/5)
👉🏻 泊車可考慮對面友邦廣場🅿️或者附近維多利中心既錶位場🅿️
👉🏻 餐廳近住英皇道，炮台山站行過嚟都係5分鐘左右，英皇道有大量巴士線經過，十分方便
🔆🔆🔆🔆🔆🔆🔆🔆🔆🔆🔆🔆🔆
張貼
