影片
更多
2021-06-10
329 瀏覽
向來都鍾意食日本嘢嘅我，一直都好鍾意搵一啲居酒屋，希望無論環境或者嘢食都有返左日本嘅感覺。呢間新開幕嘅居酒屋「朝」，開業唔夠兩個月，以日月為主題，意思係新嘅一日，喺太子嘅大南街，試業期間仲有八折優惠。裝修雅緻，佈置簡潔，環境光猛而且乾淨，幾有高級日本居酒屋感覺，門口一幅大石牆上有月亮圖案造型，同入面水吧嘅黑色月亮燈、垂吊既發光星星燈飾設計一致，水吧個圖案會發光，同佢哋嘅店舖名呼應，夜晚七點半黎到唔算好多人，幾適合約埋朋友一齊小酌幾杯。係餐牌上見到選擇幾多，提供沙律、小食、刺身、炸物、唔同肉既燒物、野菜、料理、麵、海鮮，飲品除左汽水、乳酸、梳打，仲有居酒屋必有既各式酒。-1️⃣ 朝邪惡玉子燒 💰78（👅: 8.5/10）呢道係餐廳既招牌菜，都係全晚最驚喜既菜色之一，玉子燒呈金黃色，睇落平凡，入口會同時食到雞蛋同高湯既味。玉子係用日本靚雞蛋製成，我諗係用左新紀元個種橙紅既日本蛋，玉子咬落嫩滑，鬆軟綿密，食落蛋味香濃，會食到蛋既鮮甜味。玉子入面有芝士，用左兩種唔同既芝士，有拉絲效果，鹹鹹地個唔會膩，食落有啲似意大利既blue cheese，重芝士味但無蓋過蛋香味。一鹹一甜既衝擊，配搭得宜，互相輝
向來都鍾意食日本嘢嘅我，一直都好鍾意搵一啲居酒屋，希望無論環境或者嘢食都有返左日本嘅感覺。
呢間新開幕嘅居酒屋「朝」，開業唔夠兩個月，以日月為主題，意思係新嘅一日，喺太子嘅大南街，試業期間仲有八折優惠。
裝修雅緻，佈置簡潔，環境光猛而且乾淨，幾有高級日本居酒屋感覺，門口一幅大石牆上有月亮圖案造型，同入面水吧嘅黑色月亮燈、垂吊既發光星星燈飾設計一致，水吧個圖案會發光，同佢哋嘅店舖名呼應，夜晚七點半黎到唔算好多人，幾適合約埋朋友一齊小酌幾杯。
係餐牌上見到選擇幾多，提供沙律、小食、刺身、炸物、唔同肉既燒物、野菜、料理、麵、海鮮，飲品除左汽水、乳酸、梳打，仲有居酒屋必有既各式酒。
-
1️⃣ 朝邪惡玉子燒 💰78（👅: 8.5/10）
朝邪惡玉子燒
$78
4 瀏覽
1 讚好
0 留言
呢道係餐廳既招牌菜，都係全晚最驚喜既菜色之一，玉子燒呈金黃色，睇落平凡，入口會同時食到雞蛋同高湯既味。
玉子係用日本靚雞蛋製成，我諗係用左新紀元個種橙紅既日本蛋，玉子咬落嫩滑，鬆軟綿密，食落蛋味香濃，會食到蛋既鮮甜味。玉子入面有芝士，用左兩種唔同既芝士，有拉絲效果，鹹鹹地個唔會膩，食落有啲似意大利既blue cheese，重芝士味但無蓋過蛋香味。一鹹一甜既衝擊，配搭得宜，互相輝映。如果玉子上碟時再熱啲，做到更濕潤有更多蛋汁，芝士更多就完美。
-
2️⃣ 燒牛舌 💰48（👅: 8/10）
燒牛舌
$48
4 瀏覽
1 讚好
0 留言
呢度既牛舌係厚切，有三舊，食落爽口juicy，比較煙韌而唔係入口即化個種，牛味濃，調味用鹽同黑椒，正常既配搭，食落算香口，如果肉質可以再嫩啲同調味再重啲會食唔停口。
-
3️⃣ 金箔黑魚子脆味牛油果沙律批 💰128（👅: 8.5/10）
金箔黑魚子脆味牛油果沙律批
$128
4 瀏覽
1 讚好
0 留言
好特別既精緻小食，有別於一般日式小食，呢個沙律批有三款味道可以揀，分別係龍蝦、蟹肉同帶子，三揀二，我覺得龍蝦同蟹肉可能會似，所以揀左龍蝦同帶子。
賣相好似馬來西亞菜既金杯，食落都好似，大細係一口可以食得哂。批皮係春卷皮，夠薄咬落脆口，食落唔膩，唔會因為上面有好多濕既野而整到腍唒。
龍蝦同帶子我比較鍾意前者，鮮味更出，龍蝦沙律調味有鹹香，食落開胃，牛油果沙律食落清新，同金箔、黑魚子、批一齊食，食落口感豐富，入面濕潤出面脆口，鹹中帶鮮甜，齒頰留香，四舊太小了。
-
4️⃣ 薄牛豆腐壽喜燒 💰98（👅: 7.5/10）
薄牛豆腐壽喜燒
$98
4 瀏覽
1 讚好
0 留言
呢個壽喜燒份量唔小，配料有豆腐、生蛋黃、油揚、冬菇、金菇同娃娃菜，上面仲有食用鮮花，色彩繽紛，食落飽肚。
壽喜燒湯底濃厚香醇，我自己唔係好鍾意壽喜燒，有時覺得湯底太甜接受唔到，但今次依個壽喜燒係我接受到，唔會同食材唔夾，甜得黎會挑起食慾。
牛肉上枱時係七成熟，可以點蛋汁黎食，份量都幾多，有四至五片。豆腐食落滑，油揚吸湯汁入味，壽喜燒湯底同油揚係絕配，其他食材都好入味，將壽喜燒嘅精華都索唒入去。
-
5️⃣ Daniel蝦多士 💰128（👅: 8/10）
Daniel蝦多士
$128
17 瀏覽
1 讚好
0 留言
呢道係餐廳既招牌菜，唔係一般Menu上面，係牆身一塊黑板上面嘅廚師推介。
上枱時賣相非常吸引，店員有細心講解食法，會提供較剪、刀、叉，將蝦頭同蝦尾剪開，將多士同蟹肉中間既蝦殼起左就得，但我自己係起走蝦殼都費左陣周章，因為蝦肉痴實蝦殼，上面既辣椒絲店員話可以按個人喜好加，會有小小辣。
呢個蝦多士同我平時係中菜食到既唔同，平時既蝦多士蝦肉原隻開邊同多士一齊炸，同會有一個甜酸醬點，而呢個唔係蝦同多士一齊羅去炸，而且上面有好多平時蝦多士無既野。
多士上面係大量蟹肉碎，加上本身既原隻虎蝦蝦肉，蝦肉爽彈，食落有鹹香，帶點鮮味而且仲有好多麵包糠，食落香脆惹味。
辣椒絲食落唔算辣，畫龍點睛，可以豐富一下味道同口感既層次。多士夠厚，食落香脆，不過本身多士既調味唔夠，如果可以有好似甜酸醬既調味會更惹味。
-
6️⃣ 醬燒日本飯團 💰38（👅: 8/10）
醬燒日本飯團
$38
5 瀏覽
1 讚好
0 留言
飯團上枱好吸引，因為已經充滿照燒汁嘅顏色。飯團用日本米整，外層燒到帶焦香，入邊嘅飯夠軟熟，實淨得黎偏濕潤，食落香甜，有小小米香。
飯團上面嘅照燒汁夠味，食落有醬油鹹香同時甜甜地，燒香左之後更加惹味，唔係因為飽飽地可能會叫多一舊。
-
🌟食物賣相靚，擺盤好有心思之餘，喺香港日式居酒屋來講，水準都係中上水平，以人均大概二百幾黎講，係一個唔錯嘅選擇，平時食開嘅居酒屋都係銅鑼灣、尖沙咀多，今次終於搵到間喺近旺角、太子既居酒屋，太子地鐵站行去過只係3-4分鐘路程。
我係七點半入座，就算食都差唔多九點幾十點收舖，員工都唔會話趕收工趕人走，反而見到員工都好似一齊chill，閒時會聽住歌咁跳舞，店員都好細心講解嘢食或者食法嘅介紹，而且見佢哋同食客都有傾有講，最鍾意既係餐廳播放着日本流行歌曲，流行歌曲偏舊但全部都係我中學時期聽既熱門歌，好似回憶緊以前去日本既時光，係一間唔止嘢食、服務都有水準嘅居酒屋。
新開業優惠全單有9折優惠，而且星期一至三所有飲品都係買一送一，4點半到7點仲有Happy hour優惠，下次如果來會想試其他人係菜式，好似燒雞泡魚干、燒宮崎豚肉流心芝士竹輪卷、自家汁燒大葱雞肉、西京雪魚燒等，今次眼闊肚窄試唔到咁多。
-
👅味道: 8/10
🍴環境: 7.5/10
💰消費: $250人均 (服務費: 10%)
張貼
