Mango Mania (已結業)

係和富中心食完晚飯，同朋友行陣街見到呢間mango Maria，朋友話係泰國好出名，但我未試過就一於食下啦。超級芒果狂熱$68芒果布甸嫩滑Q彈，新鮮芒果好香甜，糯米飯有椰汁汁同芒果汁一齊食，糯米飯十分煙韌，芒果雪糕好濃郁芒果味，芒果迷叫呢個餐就大滿足。芒果椰子西米慕絲特飲 $42個底用左新鮮芒果打成汁所以成杯超級濃郁芒果香味，最底層有西米加左d椰汁，西米份量多而且煮得剛剛好，上面放左d椰子片增加口感，加左慕絲好香滑。